БАСПАСӨЗ ПАРАҒЫ
Мұғалжар ауданының прокуратурасы Агроөнеркәсіптік кешенді дамытудың 2017-2021 жылдарға арналған мемлекеттік бағдарламасын (əрі қарай – бағдарлама) іске асыруға бөлінген бюджет қаражаттарын игеру заңдылығына талдау жүргізді.
Талдау нәтижесінде кейбір шаруа қожалықтары малдардың азығына жұмсалған шығындар құнын арзандатуға субсидияланған мал басының белгіленген мерзім ішінде сақталуын қамтамасыз етпейтіндері анықталды.
Мысалы, 04.12.2020 жылы жергілікті шаруа қожалығы жылқылардың азығына жұмсалған шығындар құнын арзандатуға мемлекеттен 1 100 000 теңге субсидия алған.
Алайда, 2020 жылдың 12 желтоқсанда шаруа қожалығы 25 бас жылқыны сатуына байланысты оларды есептен шығарған.
Одан бөлек талдау жүргізу барысында жалпы 53 шаруа қожалықпен малдардың азығына жұмсалған шығындар құнын арзандатуға субсидияланған мал басының белгіленген мерзім ішінде сақталуын қамтамасыз етпегендері анықталды.
Бұл ретте, аудан прокуратурасымен малдардың сақталуын қамтамасыз етпеген шаруа қожалықтарынан бөлінген субсидияларды мемлекетке қайтару шараларын жүргізді.
Осылайша, талдаумен анықталған заң бұзушылықтар бойынша Ақтөбе облысы ауыл шаруашылығы басқармасына прокурорлық қадағалау актісі енгізілді.
Қазіргі уақытта шығындарды өтеу жұмыстары жүргізілуде.
Мұғалжар ауданының прокуратурасы