Халықты әлеуметтік қорғау саласында:

Халықты әлеуметтік қорғау саласында:

1. Халықтың аз қамтылған топтарына әлеуметтік қорғау саласында мемлекеттік саясатты іске асыру, халықтың өмір сүру деңгейін арттыру жұмысын жүргізу;
2. Жаңа форматтағы нысаналы әлеуметтік көмек көрсетуді тағайындау және төлеу, жергілікті және республикалық бюджеттен төленетін бір жолғы, ай сайынғы және басқа да әлеуметтік көмектерін төлеу бойынша жұмыстарды ұйымдастыру;
3. Жергілікті өкілетті органдардың шешімдеріне сәйкес Ұлы Отан соғысына қатысушылар мен мүгедектеріне, тыл ардагерлеріне, көп балалы отбасыларға, аз қамтылған отбасыларға, мүгедектерге және мүгедек балаларға әлеуметтік көмек көрсету жұмыстарын ұйымдастыру;
4. Мемлекеттік және мемлекеттік емес ұйымдардан халықтың әлеуметтік осал топтарына әлеуметтік көмек көрсетуін ұйымдастыру және есепке алу.

Халықты жұмыспен қамту саласында:

Жұмыс күшіне қатысты бөлігінде сұраныс пен ұсынысты талдау, болжау, өңірдің еңбек нарығының жай-күйі туралы жергілікті атқарушы органдарға және халықты жұмыспен қамту мәселелері жөніндегі уәкілетті органға хабарлау;

1. Мемлекеттік, үкіметтік бағдарламалар және аумақтарды дамыту бағдарламалары, сондай-ақ жекеше сектор бастамалары шеңберінде іске асырылатын жобаларда сұранысқа ие мамандықтар бойынша ағымдағы бос орындар және құрылатын жұмыс орындарының болжамы туралы әлеуметтік-еңбек саласының бірыңғай ақпараттық жүйесінің дерекқорын қалыптастыруға қатысу;
2. Жұмыссыздықтан әлеуметтік қорғау және халықты жұмыспен қамту шараларын әзірлеу, халықты жұмыспен қамтуға жәрдемдесудің белсенді шараларын ұйымдастыру;
3. Мүгедектерді жұмысқа орналастыру үшін арнайы жұмыс орындарын құру жөнінде жұмысты ұйымдастыру;
4. Жұмыс күшінің ұтқырлығын арттыру үшін адамдардың ерікті түрде қоныс аударуы үшін елді мекендерді айқындау бойынша ұсыныстарды жергілікті атқарушы органдарға енгізу;
5. Халықты жұмыспен қамту орталығының жұмысын үйлестіру;
6. Жұмыс берушілерден кадрларға болжамды қажеттілік туралы ақпарат сұрату;
7. Жұмыстан босату және жұмыс орындарын қысқарту қатері бар ұйымдардың мониторингін жүзеге асыру.

Әлеуметтік әріптестік саласында:

1. Еңбек қатынастарын реттеу, жұмыс берушілер мен еңбек ұжымдары /кәсіподақтар/ арасындағы әлеуметтік әріптестікті ұйымдастыру.

Мүгедектермен жұмыс ұйымдастыру саласында:

1. Оңалту жеке бағдарламасына сәйкес, мүгедектерге жеке көмекшілер және ымдау тілі маманы, техникалық көмекші (орнын толтырушы) құралдар, арнаулы жүріп-тұру құралдары, санаторлы - курорттық емделу қызметтерін ұсыну мен құжаттарын ресімдеу; 
2. Жалғыз басты қарттар, мүгедек азаматтар және мүмкіндігі шектеулі балаларды арнаулы әлеуметтік қызметпен қамтамасыз ету және ведомстволық статистикалық есептерді дайындау.