ТҰРҒЫН ҮЙ ҚҰРЫЛЫСЫ ЖӘНЕ КОММУНАЛДЫҚ САЛА
Құрылыс саласы
Ағымдағы жылы Қандыағаш қаласы Есет батыр, 13 көшесіндегі90 пәтерлік тұрғын үйдің құрылысына және Самал ш/а үш сегіз пәтерлі жалдамалы-коммуналдық тұрғын үйлер құрылысынабюджеттен қаражат бөлініп, кезекте тұрған 114 отбасы баспанамен қамтамасыз етілді.
Сонымен қатар, «Самал» ш/а 9/10 кварталынан алынған 1 600 жеручаскесінде ауыз су құбырларының құрылысы толығымен аяқталды.
Коммуналдық сала
Инженерлік желілерді дамыту бойынша:
Аудан бойынша барлығы 37,9 шақырым жылу құбыры, 377,1 шақырымауыз су құбыры 85,2 шақырым кәріз құбырықұрайды.
3 қаланың тұрғындары мен әлеуметтік нысандарын жылу, кәріз және ауыз су жүйесімен «Коммуналшы», «Ембіжылу» және «Жемжылу» коммуналдық мемлекеттік кәсіпорындары қызмет көрсетеді.
Орталықтандырылған ауыз су жүйесімен халықтың 91,3 пайызықамтамасыз етілген.
Орталықтандырылған кәріз жүйесімен халықтың71,5 пайызықамтамасыз етілген.
Газ жүйесімен халықтың88,3 пайызы көгілдір газ отынымен қамтамасыз етілген. Бүгінгі күнге, Басшилі ауылына және Темір-көпір бекетіне жеткізуші және ауыл ішілік газ құбырларының құрылыс жұмыстары толық аяқталып, пайдалануға берілді.
Аудан бойынша барлығы 85,2 шақырымкәріз жүйесінің бүгінгі күнде 77,3 шақырымы немесе 91 пайызы жаңартылды.
Аудан бойынша автомобиль жолы туралы. Аудан аумағындағы жалпы пайдаланымдағы автомобиль жолдары, соның ішінде республикалық маңызы бар автомобиль жолдары 210 шақырым, облыстық – 64 шақырым және аудандық – 446,7 шақырым. Аудандық маңызы бар автомобиль жолдарында 26 көпір және 209су өткізгіштер орналасқан.
Үстіміздегі жылы Сағашилі, Ақкемер ауылдарының кіре беріс автокөлік жолдарын орташа жөндеу үшін жобаәзірленді.
Қандыағаш қаласы Қодаров, Байқұнов,А.Жұмағалиев, Қалыбаев көшелерін күрделі жөндеу және Амангелді көшесінің автокөлік жолының құрылысының жұмыстары өткен жылы басталып, 2020 жылы аяқталу жоспарлануда.