Бөлім туралы

    «Мұғалжар аудандық ішкі саясат бөлімі» мемлекеттік мекемесі, мемлекеттік саясатты және мемлекеттік басқару функцияларын, ішкі саясат саласында басшылықты жүзеге асыратын Қазақстан Республикасының мемлекеттік органы болып табылады. «Мұғалжар аудандық ішкі саясат бөлімі» мемлекеттік мекемесінің миссиясы: Қоғамдық- саяси тұрақтылықты қамтамасыз ету жөніндегі мемлекеттік саясатты қалыптастыруға және іске асрыуға, сондай-ақ мемлекеттік егемендікті, қоғамдық процестерді демократияландыруға және қоғамды жұмылдыруға қатысу.
Бөлімнің негізгі функциялары:

1. Ішкі саяси процестерді реттеуге қатысу, ішкі саясат саласындағы жергілікті мемлекеттік органдардың қызметтерін үйлестіру, аудандағы қоғамдық-саяси ахуалға, саяси партиялар мен өзге бірлестіктердің қызметтеріне мониторинг, талдау және болжау жасауды ұйымдастыру, ішкі саяси тұрақтылыққа қоғамды жұмылдыруды, Қазақстандық отаншылдықты насихаттауды және тәрбиелеуді қамтамасыз ету жөнінде ұсынымдар жасау мен жұмыстарды ұйымдастыру;
2. Қазақстан Республикасы Президентінің, Қазақстан Республикасы Үкіметінің актілерінің, Қазақстан Республикасы Президенті Әкімшілігі тапсырмаларының, әкімдік қаулыларының, облыс және аудан әкімдері, «Ақтөбе облыстық ішкі саясат басқармасы» мемекеттік мекемесінің шешімдерінің, өкімдерінің, бұйрықтарының және тапсырмаларының орындалуын бақылауды қамтамасыз ету;
3. Тұжырымдамалық құжаттарды жасауға қатысу, бөлімнің құзыретіне жататын мәселелер бойынша аудан әкімі шешімдері, өкімдері, актілерінің жобаларын әзірлеу және сараптау;
4. Қоғамдық-саяси және экономикалық салада аудан туралы, билік органдары туралы ақпараттарды тарату жүйесін жетілдіру жөніндегі аудан әкімдігінің жұмысына қатысу;
5. Мемлекеттік мекеменің құзыретіне жататын мәселелер бойынша «Ақтөбе облыстық ішкі саясат басқармасы» мемлекеттік мекемесінің, аудан әкімі аппаратының тиісті бөлімшелерімен ұйымдастырушылық және ақпараттық байланысты қамтамасыз ету;
6. «Ақтөбе облыстық ішкі саясат басқармасы» мемлекеттік мекемесіне атқарылған жұмыстар туралы жүйелі түрде есеп беру;
7. Мемлекеттік мекеменің құзыретіне жататын мәселелер бойынша мемлекеттік мекемелердің қызметтерін бақылау және үйлестіру;