Мәртөк аудандық мәслихатының «Аудандық мәслихаттың «2021-2023 жылдарға арналған Мәртөк аудандық бюджетін бекіту туралы» 2020 жылғы 25 желтоқсандағы №434 шешіміне өзгерістер мен толықтырулар енгізу туралы» шешім жобасына БАСПА-РЕЛИЗ
Шешім жобасы Қазақстан Республикасының 2008 жылғы 4 желтоқсандағы Бюджет кодексінің 104, 106 баптарына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына сәйкес әзірленді.
Облыстық мәслихат сессиясының 2021 жылғы ** мамырдағы шешіміне сәйкес келесі жобалар бойынша облыстық бюджеттен трансферттер азайтылды:
- түзету. Мәртөк ауданының Құмсай ауылында жаңа құрылыс салу аумағында электр желілерін салуға -1 000 мың теңге;
- Мәртөк ауданы Родниковка ауылында жаңа құрылыс аумағында электр желілерін салу-1 000 мың теңге;
- Мәртөк ауданы Родниковка ауылында жаңа құрылыс аумағында газ құбырын салу-1 000 мың теңге;
- аудандық маңызы бар автомобиль жолдарын және елді мекендердің көшелерін күрделі және орташа жөндеу -1 000 мың теңге;
- «Ауыл-ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылым бойынша іс-шараларды іске асыруға - 10967 мың теңге;
- Казанка ауылының жаңа құрылыс электр желілерін салу - 2200 мың теңге;
- Саржансай ауылындағы жаңа құрылыстың кварталішілік су құбырының құрылысы – 3532 мың теңге;
- Қазан ауылының жаңа құрылысының кварталішілік су құбырының құрылысы – 4668 мың теңге;
Сонымен қатар, облыстық бюджеттен келесі іс-шараларға трансферттер бөлінді:
- санаторлық-курорттық емделуге - 7056 мың теңге;
- есту протездеу қызметтеріне - 60 мың теңге;
- қосымша компенсаторлық құралдарға - 195 мың теңге;
- арнаулы қозғалсы құралдарына-717 мың теңге;
- протездік-ортопедиялық құралдарға - 7147 мың теңге.
Үнемделген 332139 мың теңге сомасындағы қаражат, сондай-ақ 280000 мың теңге мөлшеріндегі кіріс жоспарын ұлғайтудан түскен түсімдер сомасы бюджеттік бағдарламалар әкімшілерінің бюджеттік өтінімдеріне сәйкес бөлінді.
Енгізілген өзгерістер мен толықтырулар қорытындысы бойынша бюджеттің кіріс бөлігі 9 632 073,6 мың теңге , шығыс бөлігі 10 182 891,2 мың теңге көлемінде ұсынылады.
«2021-2023 жылдарға арналған Мәртөк аудандық бюджетін бекіту туралы» шешімінің жобасы www.gov.kz сайтында 2021 жылы ** мамырда, e-gov ашық нормативтік-құқықтық актілер порталында 2021 жылғы 4 мамырда орналастырылды. Мәртөк ауданының қоғамдық кеңесінің қорытындысы 2021 жылы ** мамырдағы № хатымен алынды.