Ереже

Мәртөк ауданы әкімдігінің

2019 жылғы  04 желтоқсандағы

№ 363 қаулысымен бекітілген

 

Мәртек ауданының Құрмансай ауылдык округі әкімінін аппараты» MM

ЕРЕЖЕСІ

 

1. «Мәртөк ауданының Құрмансай ауылдық округі әкімінің аппараты» мемлекеттік мекемесі (бұдан әрі – әкім аппараты) Құрмансай ауылдық округі әкімінің (бұдан әрі – әкім) қызметін қамтамасыз ететін және Қазақстан Республикасының заңнамасында көзделген өзге де функцияларды жүзеге асыратын мемлекеттік мекеме болып табылады.
2. Әкім аппараты өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы әкім аппараты туралы ережеге сәйкес жүзеге асырады.
3. Әкім аппараты мемлекеттік мекеменің ұйымдық-құқықтық нысанындағы заңды тұлға болып табылады, Қазақстан Республикасының заңнамасына сәйкес мемлекеттік тілде өз атауы бар мөрі мен мөртаңбалары, белгіленген үлгідегі бланкілері, қазынашылық органдарында шоттары болады.
4. Әкім аппараты өз атынан азаматтық-құқықтық қатынастарға түседі.
5. Әкім аппараты заңнамаға сәйкес мемлекеттің атынан азаматтық-құқықтық қатынастардың тарапы болуға құқылы.
6. Ауылдық округ әкімі Қазақстан Республикасының заңнамасында көзделген тәртіппен шешімдер мен өкімдер қабылдайды.
7. Ауылдық округ әкімінің аппараты туралы ережені, оның құрылымын аудан әкімдігі бекітеді.
8. Заңды тұлғаның мекенжайы: 030612, Қазақстан Республикасы, Ақтөбе облысы, Мәртөк ауданы, Құрмансай ауылдық округі, Құрмансай ауылы, Қобыланды батыр көшесі, 17 үй.
9. Заңды тұлғаның толық атауы: «Мәртөк ауданының Құрмансай ауылдық округі әкімінің аппараты» мемлекеттік мекемесі.
10. Ауылдық округ әкімінің аппаратын аудан әкімдігі құрады, қысқартады және қайта ұйымдастырады.
11. Әкім аппараты жергілікті бюджет есебінен және жергілікті өзін-өзі басқару қорларының қаражаты есебінен қаржыландырылатын мемлекеттік мекеме болып табылады.
12. Әкім аппаратына оның функциялары болып табылатын міндеттерді орындау тұрғысынан кәсіпкерлік субъектілерімен шарттық қатынастарға түсуге жол берілмейді.
13. Міндеттері:

    Әкімнің қызметін ақпараттық-талдамалық, ұйымдық-құқықтық, материалдық-техникалық қамтамасыз ету, сондай-ақ жергілікті маңызы бар мәселелерді шешу.

 

14. Функциялары:

1) Ауылдық округ әкімінің аппараты өз құзыреті шегінде:

   – жергілікті қоғамдастық жиынын, ауыл, көше, көппәтерлі тұрғын үй тұрғындарының бөлек жергілікті қоғамдастық жиындарын, жергілікті қоғамдастық жиналыстарын өткізуді ұйымдастыруды қамтамасыз етеді;

   – жиындар мен жиналыстардың өткізілу уақыты, орны және талқыланатын мәселелер туралы халықты бұқаралық ақпарат құралдары немесе өзге тәсілдер арқылы кемінде күнтізбелік он күн бұрын хабардар етеді;

   – жергілікті қоғамдастық жиынында немесе жиналысында қабылданған және ауылдық округ әкімі мақұлдаған шешімдердің орындалуын қамтамасыз етеді;

   – ауылдық округ бюджетін жоспарлауды және атқаруды қамтамасыз етеді;

   – жергілікті қоғамдастық жиналысына және аудан мәслихатына ауылдық округ бюджетінің атқарылуы туралы есеп ұсынады;

   – ауылдық округ бюджетін іске асыру туралы шешім қабылдайды;

   – жергілікті қоғамдастықты дамыту бағдарламасын әзірлейді және оны бекітуге ұсынады;

   – коммуналдық меншік объектілерін салу, реконструкциялау және жөндеу бойынша тапсырыс беруші болады;

   – коммуналдық мүліктің тиімді пайдаланылуын бақылайды;

   – коммуналдық меншікке қатысты құқықтарды жүзеге асырады;

   – коммуналдық мүліктің сақталуын қамтамасыз етеді;

   – коммуналдық мүлік бойынша мемлекеттік мүдделерді білдіреді және меншік құқығын қорғайды;

   – сенімгерлік басқару шарттарының орындалуын бақылайды;

   – коммуналдық мүлікті есепке алуды ұйымдастырады және тиімді пайдалануды қамтамасыз етеді.

2) Жергілікті қоғамдастық жиналысымен келісу бойынша:

   – коммуналдық мүлікті басқару саласындағы құқықтық актілер жобаларын әзірлейді;

   – коммуналдық мүлікті басқарады және оны қорғау шараларын жүзеге асырады;

   – коммуналдық мүлікті жекешелендіру туралы шешімдер қабылдайды;

   – коммуналдық кәсіпорындардың қызмет бағыттарын айқындайды;

   – артық немесе пайдаланылмайтын мүлікті алып қояды;

   – мүлікті жалға, сенімгерлік басқаруға береді;

   – коммуналдық заңды тұлғаларды құру, қайта ұйымдастыру немесе тарату туралы шешімдер қабылдайды;

   – жарғыларды бекітеді және өзгерістер енгізеді;

   – коммуналдық кәсіпорындардың қызметін бақылайды;

   – заңнамада көзделген өзге де өкілеттіктерді жүзеге асырады.

15. Әкім аппараты өз құзыреті шегінде:

    – мемлекеттік органдардан қажетті ақпарат пен құжаттарды сұратуға және алуға;

    – мүліктік және мүліктік емес құқықтарды жүзеге асыруға;

    – ақпараттық базаларды пайдалануға;

    – шарттар мен келісімдер жасасуға құқылы.

16. Әкім аппаратының міндеттері:

    – халыққа сапалы мемлекеттік қызмет көрсету;

    – жоғары тұрған органдар актілері мен тапсырмаларын уақытылы орындау;

    – заңнамада көзделген өзге де міндеттерді жүзеге асыру.

17. Әкім аппаратына әкім басшылық етеді.
18. Әкімнің өкілеттіктері:

    – аппарат жұмысын ұйымдастыру және басқару;

    – қабылданған шешімдердің орындалуын қамтамасыз ету;

    – қызметкерлерді қабылдау;

    – қаржылық жоспарларды бекіту;

    – тұрғын үй қорын түгендеу;

    – авариялық үйлерді бұзуды ұйымдастыру;

    – микрокредит беру мәселелеріне жәрдем көрсету;

    – заңнамада көзделген өзге де өкілеттіктерді жүзеге асыру.

19. Әкімде орынбасар болуы мүмкін.
20. Әкім орынбасарының міндеттері мен өкілеттіктерін айқындайды.
21. Әкім аппарат қызметкерлерінің мемлекеттік қызметшілер этикасын сақтауын қамтамасыз етеді.
22. Заңнамада көзделген жағдайларда аппараттың жедел басқару құқығында мүлкі болуы мүмкін.
23. Аппаратқа бекітілген мүлік коммуналдық меншік болып табылады.
24. Заңнамада өзгеше көзделмесе, аппарат мүлікті иеліктен шығаруға немесе оған билік етуге құқылы.

25.Әкім аппаратын қайта ұйымдастыру және тарату Қазақстан Республикасының заңнамасына сәйкес жүзеге асырылады.

Дата публикации

24 апреля 2026