БЖЗҚ 2023 жылдың қорытындысы бойынша демографиялық үрдістерге талдау жасады. Мамандардың болжамы бойынша елдегі өмір сүру ұзақтығы мен қарттардың үлесі артып келеді. 2050 жылдың соңына қарай халық саны 26,3 миллион адамға жетеді және орта есеппен әрбір алтыншы қазақстандық 60 жастан асқан болады.
Бала туу көрсеткіші де төмендеуде, 2050 жылға қарай бір әйелге 2,42 бала келеді деп күтілуде. Туу көрсеткіші азайып, өмір сүру ұзақтығы артқан сайын әрбір жұмысшыға түсетін жүк те ауырлай түседі.
Көші-қон көрсеткіші де төмендеген. UNFPA (БҰҰ-ның Қазақстандағы халықтың қоныстануы саласындағы қоры) мәліметтері бойынша 2050 жылға қарай көші-қон сальдосы нөлге тең болады деп күтілуде.
Мамандардың болжамы бойынша еңбекке қабілетті халықтың зейнеткерлерге шаққандағы үлесі 2050 жылға қарай 1,4 есеге – 5,49-дан 4,05-ке дейін төмендейді. Бұл келешекте еңбекке қабілетті халыққа «жүктемені» айтарлықтай арттырады.
Толық ақпаратты БЖЗҚ сайтындағы "Жаңалықтар" бөлімінен көре аласыз.