«БЖЗҚ» АҚ Басқарма төрағасы Жанат Құрманов Ресей Үкіметі жанындағы Қаржы университетінің Мемлекеттік зейнетақы жүйесін дамыту және актуарлық статистикалық талдау ғылыми-зерттеу орталығы ұйымдастырған халықаралық ғылыми-тәжірибелік семинарға қатысты.
Семинар зейнетақы жүйесіндегі өзгерістер мен жаһандық сын-қатерлер жағдайында тарифтік саясатты оңтайландыру тақырыбына арналды. Осы шара аясында Басқарма төрағасы «Қазақстандағы зейнетақы жүйесін жаңғыртудың негізгі бағыттары» тақырыбында баяндама жасады.
Баяндама барысында статистикалық деректер мен маңызды көрсеткіштер динамикасы, сондай-ақ зейнетақы жүйесінің жас топтарындағы өзгерістердің болжамдары ұсынылып, жинақтаушы зейнетақы жүйесінің маңыздылығына ерекше назар аударылды.