Ағымдағы жылдың 20 ақпанында Қобда аудандық аумақтық сайлау комиссиясыаудандық мәслихаттың депутаттығына тіркелген кандидаттармен 2023 жылдың 19 наурызына тағайындалған ҚР Парламенті Мәжілісінің және мәслихаттары депутаттарының сайлауына дайындық жұмыстары аясында сайлауалды үгіт-насихат жұмысын ұйымдастыру бойынша оқыту семинарын өткізді. Аудандық сайлау комиссиясының төрағасы А.А.Оразова семинарға қатысушыларға бірмандаттық аумақтық сайлау округтері бойынша аудандық мәслихат депутаттығына кандидаттарды тіркеу қорытындылары туралы баяндады. Сайлау туралы Конситуциялық заңға сәйкес кандидаттарды тіркеу туралы мәліметтер БАҚ-та жарияланды және аудан әкімдігі смайтындағы сайлау комиссиясының интернет-ресурсында орналастырылды. Оқыту семинарына Қобда аудандық прокуратурасының аға прокуроры А.Бақсиык ҚР Парламенті Мәжілісінің және маслихаттары депутаттарының сайлауын өткізу тәртібі мен шарттары туралы баяндамасын таныстырды. Семинарға қатысушылар тарапынан түскен үгіт-насихат кезеңіндегі құқық бұзушылықтар бойынша заң аясында жауап берді.
Аудандық сайлау комиссиясы төрағасының орынбасары Б.Отаралова «Қазақстан Республикасындағы сайлау туралы» Конституциялық заңның 28-бабының 3 тармағына сәйкес мемлекет кандидаттарға өз бағдарламаларымен шығу үшін қаражаттың тең бөлінуіне кепілдік беретінін хабарлады, үгіт-насихат жұмыстарына бөлінетін қаражат көлемі туралы мәлімет берді.Аудандық ішкі саясат бөлімі басшысының м.а.Б.Ж.Қылышбаева сайлауалды үгіт-насихат жүргізуге қойылатын талаптарды түсіндірді. Комиссия хатшысы М.Қожабекова кандидаттардың сенім білдірген адамдарын тіркеу туралы ақпарат берді. Кандидаттар баяндамашылардан өздерінің сұрақтарына жауаптарын алып, кеңестерін тыңдады.