2023 жылғы 23 қаңтардан бастап 1 шілдеге дейін шетелдік автокөліктерді заңдастыруға болады.
Біз сіздерге шетелдік автокөліктерді заңдастыру кезеңдерін тез әрі дұрыс өту жолдары бойынша нұсқаулық дайындадық. Ең алдымен Сіз eGov.kz порталы және ЕДБ арқылы “Заңдастыру алдында автокөлікті рәсімдеуге” өтінім беруіңіз керек. Өтінімді Қазақстан Республикасы Ішкі істер министрлігі қарайды. Сіздің өтінішіңіз қабылданған болса, автокөлікті тексеру үшін МХҚО-ға онлайн кезекке тұру қажет. Ол үшін мәртебе парағында «кезекке тұру» батырмасын басып, мекенжайлар тізімінде көрсетілген МХҚО-ның бірін таңдап, соныңда күні мен уақытын белгілеу керек.Алдын ала онлайн кезекке тұрмаған жағдайда, азаматтарға қызмет көрсетілмейді. Егер сіздің жеке кабинетіңізге өтініштен бас тарту жөнінде хабарлама келген жағдайда, МХҚО-ға барудың қажеті жоқ. Бас тарту себептерін білу үшін тікелей мемлекеттік органға хабарласуыңыз керек.