Меню
Бұлақ ауылдық округі бойынша 2021-2025 жылдарға арналған кәсіпкерлікті дамытудың Ұлттық жобасының ағымдағы жылдың 2023 жылы орындалуы және 2024 жылға жоспар туралы
2023 жылы Кәсіпкерлікті дамытудың Ұлттық жобасы бойынша жылдық жоспар 164 жұмыссыз азаматты жұмыспен қамту болса, негізі 131 адам жұмыспен қамту шараларына тартылды, орындалуы 80%.
Оның ішінде ауылдық округі бойынша бос жұмыс орындарына 80 адам жолданды, жоспар 117 адам (68%).
Қысқа мерзімді оқумен қамтамасыз ету мақсатында жоспар 5 адам болса, 10 оқуға жолданып, 200% орындалды. Оның ішінде «Тракторист және машинист» мамандығы бойынша 4 азамат, «Оператор» мамандығы бойынша 6 азамат оқуға жолданды. Барлығы оқуды аяқтап тұрақты жұмыс орнына орналасты.
Жастар тәжірибесіне 6 жас маманды жолдау жоспарланған, қазіргі таңда 5 жас мамандар жұмысқа жолданды, орындалуы 83% құрады.
Әлеуметтік жұмыс орны жоспар бойынша 7 болса, нақты 5 азамат жолданды. Орындалуы 57% құрады.
Ақылы қоғамдық жұмыстарға жоспар 14 азамат болса, есепті кезеңде 21 азамат тартылып, немесе 150% орындалды. 3 азамат тұрақты жұмыс орнына орналасты.
Қайтарымсыз мемлекеттік грант (400 АЕК) 2 адамға жоспарланып, 1 азаматқа грант берілді (50%). Дөңгелек жөндеу цехы ашылды.
«Күміс жас» жобасына жоспар 3 азамат болса, есепті кезеңде 3 азамат жолданы, жоспар 100% орындалды.
«Ұрпақтар келісім шарты» жобасына 1 азаматты жолдау жоспарланған болса, есепті кезеңде 2 азамат жолданы, жоспар 200% орындалды.
2024 жылы Кәсіпкерлікті дамытудың Ұлттық жобасы бойынша жылдық жоспар 122 жұмыссыз азаматты жұмыспен қамту жоспарланды.
Оның ішінде 5 азаматты әлеуметтік жұмыс орындарына, 6 жас маманды жастар тәжірибесіне, 27 адамды қоғамдық жұмысқа, 5 азаматты «Күміс жас» бағдарламасына, 1 жас азаматтарды алғашқы жұмыс орнына, 1 жас маманды ұрпақтар келісім шарты жобасына, 72 азаматты бос жұмыс орындарына, 4 жұмыссызды қысқа мерзімдік оқуына, 1 адамды Бастау-Бизнес кәсіпкерлік негіздері оқуына жолдау қажет.