Зейнетақы шотынан алынатын үзінді көшірме сіздің жинақтарыңыз туралы толық ақпаратты қамтиды:
🔹Сұратылған кезеңнің басындағы және соңындағы жинақтарыңыздың сомасы, бұл сіздің зейнетақы капиталыңыздың қалай көбейгендігін көрсетеді.
🔹Кезеңнің басында және соңында есептелген инвестициялық кіріс, яғни инвестициялау нәтижесінде қанша ақшаның түскенін көресіз.
🔹Зейнетақы жарналарының барлық түрлері туралы мәлімет, жүргізілген операциялардың күнімен қоса көрсетіледі.
🔹Сіздің шотыңыздағы күні көрсетілген барлық аударымдар туралы ақпарат.
🔹Тұрғын үй жағдайын жақсартуға және емделуге біржолғы зейнетақы төлемдерін (БЖТ) жүзеге асыру үшін қолжетімді міндетті зейнетақы жарналары (МЗЖ) есебінен қалыптасқан зейнетақы жинақтарының сомасы.
🔹Инвестициялық портфельді басқарушыға (ИПБ) сенімгерлік басқаруға беру үшін қолжетімді зейнетақы жинақтарының сомасы.