Мәдениет саласы

Мәдениет үйі және оған қарасты мәдени нысандар елдің рухани өмірін жандандыру бағытында ауқымды жұмыстар атқарды.

9 ай ішінде жалпы 692 мәдени іс-шаралар ұйымдастырылып, 41520 көрермен қамтылды.

Қазіргі таңда мәдениет үйіне қарасты 8 ауылдық клуб пен «Қазақ саңыраулар қоғамы» клубы тұрақты түрде жұмыс жасап, тұрғындардың бос уақытын тиімді өткізуіне, шығармашылық қабілеттерін дамытуға үлес қосуда. Барлығы 71 қызметкер жұмыс жасайды. Аудандық мәдениет үйінде 7 халықтық және 1 үлгілі ұжымдар жұмыс жасайды. Оның ішінде: “Ақпейіл”, “Славяночка”, “Froude” халықтық вокалдық топтары, “Ұшқын” халықтық жастар театры, “Нұр-ай”, “Наз” халықтық би ансамбльдері, “Сарыарқа” халықтық домбырашылар  және “Өркен” үлгілі домбырашылар ансамблі.

 Сонымен қатар, мәдениет нысандарының жұмыс сапасын арттыру мақсатында 9 140 500 тг материалдық-техникалық база жаңартылып, қажетті құрал-жабдықтар мен техника алынды. Бұл өз кезегінде шығармашылық ұжымдардың жұмыс тиімділігін арттырып, іс-шараларды жоғары деңгейде өткізуге мүмкіндік берді.

Жасалған жұмыстар төмендегідей бағыттарда жүзеге асырылды:

1. Сахналық киімдер – жалпы құны 3 550 000 теңгеге аудандық мәдениет үйінің «Кербез» халықтық би ансамблі және «Бірлігіміз жарасқан» мәдени бірлестігінің қатысушыларына жаңа сахналық костюмдер тіктірілді. Бұл ұжымның біркелкі имиджін қалыптастырып, сахналық көріністердің эстетикалық деңгейін арттырды.
2. Жалюзи – 1 113 000 теңгеге аудандық мәдениет үйіне қарасты Петропавл, Степной ауылдық клубтарына, занавес (сахналық перде) – 1 525 000 теңгеге Ащылысай ауылдық клубына орнатылды. Бұл ғимараттың ішкі жайлылығын жақсартуға мүмкіндік береді.
3. Аудандық мәдениет үйіне акустикалық жүйе, музыкалық аппаратураға арналған басқару пульті және күшейткіш, бау жинағы – 2 127 900 теңгеге сатып алынды. Бұл құралдар концерттік іс-шаралардың сапалы өткізілуін қамтамасыз етеді.
4. Микрофон – 99 000 теңгеге сатып алынып, аудандық мәдениет үйінің базасына берілді. Заманауи микрофондар сахналық дыбыс сапасын айтарлықтай жақсартты.
5. Рәміздер бойынша стенд – 219 000 теңгеге алынып, аудандық мәдениет үйіне орналастырылды. Мемлекеттік рәміздерді дәріптеу мақсатында безендірілген ақпараттық бұрыш ретінде қызмет етеді.
6. Флаг (2 дана) – 146 200 теңгеге алынып, ауылдық клубтар мен мәдениет үйлеріне берілді. Бұл — ресми іс-шаралар мен мерекелік жиындарды безендіруде қолданылатын мемлекеттік рәміздерді насихаттау мақсатында алынды.
7. LADA – 21214 автокөлігі – 360 400 теңге көлемінде жөндеу мен қызмет көрсетуге жұмсалды. Көлік мәдениет үйінің қызметтік қажеттілігі үшін пайдаланылуда.
8. 2 және 3 бөлмелі пәтер – мәдениет саласы қызметкерлерінің әлеуметтік жағдайын жақсарту мақсатында берілді. Шығармашылық қызметкерлерге қолайлы тұрмыстық жағдай жасап, олардың еңбекке деген ынтасын арттыруға бағытталған маңызды қолдау шарасы болып табылады.