Жұмыс берушінің міндетті зейнетақы жарналарын (жмзж) енгізу және оларды аударуға арналған деректемелер

БЖЗҚ 01.01.2024 жылдан бастап қолданыстағы жинақтаушы жүйе жаңа шартты- жинақтаушы құрамдауыш - жұмыс берушінің зейнетақы жарналарымен (ЖМЗЖ) толықтырылатынын еске салады.
ЖМЗЖ агенттің, өзге де ақылы жұмысы бар адамдардың (сайланған, тағайындалған немесе бекітілген) өз қаражаты есебінен 1975 жылғы 1 қаңтардан кейін туған жұмыскерлер үшін ғана аударылатын болады. ЖМЗЖ шамасы ЖМЗЖ есептеу үшін қабылданатын қызметкердің ай
сайынғы табысынан белгіленеді:
- 2024 жылғы 1 қаңтардан бастап – 1,5 пайыз мөлшерінде;
- 2025 жылғы 1 қаңтардан бастап – 2,5 пайыз мөлшерінде;
- 2026 жылғы 1 қаңтардан бастап – 3,5 пайыз мөлшерінде;
- 2027 жылғы 1 қаңтардан бастап – 4,5 пайыз мөлшерінде;
- 2028 жылғы 1 қаңтардан бастап – 5 пайыз мөлшерінде.
Бұл ретте қызметкердің ЖМЗЖ есептеу үшін қабылданатын ай сайынғы табысы республикалық бюджет туралы заңда тиісті қаржы жылына белгіленген ең төменгі жалақының мөлшерінен кем болмауы және республикалық бюджет туралы заңда тиісті қаржы жылына белгіленген ең төменгі жалақының 50 еселенген мөлшерінен аспауы тиіс.
ЖМЗЖ-ны ҚР Әлеуметтік кодексінің 251-бабында көрсетілген бірыңғай төлем құрамында төлеуді таңдаған салық агенттері үшін жұмыскердің жалақысынан бірыңғай төлем мөлшерлемесіндегі ЖМЗЖ үлесі:
- 2024 жылғы 1 қаңтардан бастап – 7 пайыз;
- 2025 жылғы 1 қаңтардан бастап – 10,5 пайыз;
- 2026 жылғы 1 қаңтардан бастап – 14,1 пайыз;
- 2027 жылғы 1 қаңтардан бастап – 17,4 пайыз;
- 2028 жылғы 1 қаңтардан бастап – 19,0 пайыз болмақ.
Төменде жұмыс берушінің міндетті зейнетақы жарналарын аударуға болатын деректемелер келтірілген:
Агент жұмыс берушінің міндетті зейнетақы жарналарын (ЖМЗЖ) аударуды қолма-қол ақшасыз төлемдер арқылы жүргізеді.
Банктерде және банк операцияларының жекелеген түрлерін жүзеге асыратын ұйымдарда (бұдан әрі – банктер) шоттары жоқ, ЖК, ДК-мен айналысатын тұлғалар, ЖМЗЖ-ны кейіннен БЖЗҚ-ға аудару үшін банкке қолма-қол ақшамен енгізеді. Ұсталған (есепке жазылған) ЖМЗЖ Мемлекеттік корпорацияға мына деректемелер бойынша аударылады:
Атауы Деректемелер
Бенефициар «Азаматтарға арналған үкімет» мемлекеттік корпорациясы» КЕАҚ
Бенефициар банкі «Азаматтарға арналған үкімет» мемлекеттік корпорациясы» КЕАҚ
Бенефициар БСК GCVPKZ2A
Бенефициар ЖСК KZ12009NPS0413609816
Бенефициар БСН 160440007161
ТМК:
ТМК Төлем мақсатының код атауы
ТМК 089 жұмыс берушінің міндетті зейнетақы жарналары
ТМК 098 жұмыс берушінің міндетті зейнетақы жарналарын уақытылы аудармағаны үшін өсімпұл