Ырғыз ауданы бойынша жергілікті маңызы бар автомобиль жолдарының ұзындығы 192,2 км құрайды. Осы аталған жолдарды күтіп ұстауға жергілікті бюджеттен қаражат қарастырылып жұмыстар ұйымдастырылады. Ырғыз ауданы орталығы Ырғыз ауылының көшелеріне күрделі және орташа жөндеу жұмыстары жыл сайын жалғасуда. Ырғыз ауылында 2016 жылдан бастап 10 көшеге күрделі жөндеу жұмыстары жүргізіліп пайдалануға берілді. 2016 жылы Құтикөл ауылындағы «Қараарық» көпірін қайта жарақтандыру жұмыстары жүргізіліп пайдалануға берілді. 2020 жылы Аманкөл ауылдық округі Құтикөл ауылында «Жарма» көпірін қайта жарақтандыру құрылысы пайдалануға берілді, көпір ұзындығы 54 метр.