Шағын және орта кәсіпкерлік субъектілерінің саны 2023 жылдың 1 қазанына ауданда 56 заңды тұлға, 285 шаруа қожалығы, 761 жеке кәсіпкер, барлығы 1102 субъект тіркелген. Бұл өткен жылдың осы кезеңімен салыстырғанда 121,1 пайыз.
Жұмыс жасап тұрған субъектілер саны-1071 бірлік. Өткен жылдың сәйкес кезеңімен салыстырғанда 118,3 пайыз.
Ағымдағы жылдың 9 айында 326 кәсіпкерлік субъектісі, 8 шаруа қожалығы, 2 заңды тұлға тіркеліп, 223 жеке кәсіпкерлік субьектісі есептен шыққан.
Қызмет көрсету. Аудан бойынша барлығы 169 қызмет көрсету нысандары жұмыс жасайды. Оның ішінде жол бойындағы қызмет көрсету- 15, азық түлік дүкендері - 66 , киім –кешек дүкендері-27, базар-1, құрылыс заттар дүкені-2, жиһаз дүкені, тұрмыстық заттар, ұялы телефон-6, шаруашылық заттар дүкені-6, автоқосалқы бөлшектер дүкені-3, монша -11, шаштараз, сұлулық салоны-7, тігін ательесі-1, автокөлікке қызмет көрсету-6, қоғамдық тамақтандыру – 14, дәріхана-1, гүл сату-2, фото салон-1.
Жыл ішінде аудан орталығы Ырғыз ауылында «Матғам» кафесі ашылып, өз жұмысын бастады. Кафе иесі жеке кәсіпкер –Байімбетова Күлжан. Сонымен қатар ветеринариялық дәріхана іске қосылды. Кәсіпкер Дүйсенбаев Марат Нұрланұлы сұранысты ескеріп, аталған істі қолға алды. Самара- Шымкент трассасының 1153 шақырымынан жаңадан «Керуен» кемпингі құрылысы аяқталып, пайдалануға берілді.
Сауда. 2023 жылғы 1 қазанға бөлшек сауданың көлемі 2704,9 млн теңге, немесе нақты көлем индексі 152,6 пайыз болып орындалды.