Ағымдағы жылдың 21-30 мамыр аралығында Жаңа бизнес-идеяларды іске асыруға арналған мемлекеттік қайтарымсыз грантқа <<<Business.enbek.kz»порталы арқылы өтінім қабылдау басталатындығын хабарлаймыз. Гранттар қайтарымсыз негізде беріледі, нысаналы мақсаты жаңа бизнесті бастау және дамыту болып табылады. Грант көлемі 400 айлық есептік көрсеткішті (1572 800 теңге) құрайды.
Мемлекеттік грант алуға үміткер бола алады:
-тіркелген жұмыссыздар;
-жеке кәсіпкерлер (тіркеу мерзімі 3 жылға дейін)
Бұл ретте үміткер төмендегі әлеуметтік санаттардың бірінен болу керек:
-еңбекке қарсы көрсетілімдері жоқ мүгедектігі бар адамдар;
-аз қамтылған отбасы мүшелері (АӘК алушылар);
-көпбалалы отбасы мүшесі (жұбайы/зайыбы);
-мүгедектігі бар баланы тәрбиелеп отырған адам (жұбайы/зайыбы);
-асыраушысынан айырылу бойынша жәрдемақы алушылар;
-қолданыстағы «қандас» мәртебесі бар адамдар;
-өңіраралық қоныс аударушылар;
Сонымен қатар, үміткердің «Бастау Бизнес»
жобасы бойынша кәсіпкерлік негіздеріне оқығаны туралы сертификат болуы тиіс.
Қосымша сұрақтар бойынша:
Ырғыз ауданының мансап орталығы филиалы, Абай көшесі, 20.
87086309704
2024-2025 жж. жылыту маусымына дайындық мәселесіне қатысты.
2024-2025 жылғы жылыту маусымында Тәуіп ауылдық округі халқына 435 тонна көмір қажеттілігі есептелген.
Бұл ретте округ тұрғындары қазан-қараша айларын күтпей, қажетті көмір көлемімен қамтамасыз етілуіне алдын-ала дайындық жұмыстарын жүргізіп, жергілікті және басқа да көмір тасымалдаушы кәсіпкерлерге тапсырыстар беріп, қысқы маусымға жоспарланған көмір отынының мерзімінде тасылуы жүзеге асырылуы қажеттілігін хабарлаймыз.
"Тәуіп ауылдық округі әкімінің аппараты" ММ
Құйлыс ауылы Ырғыз және Торғай өзендерінің қиылысқан жерінде орналасқандықтан су тасқынының алдын-алу жұмыстары үздіксіз жасалып, кезекшілік ұйымдастырылып, жағдай үнемі бақылануда.
Аудан әкімі Н.Қызбергенов, аудан әкімінің орынбасары А.Уәли және мәслихат депутаты М.Тұрымов біздің ауылыға келіп, әлеуметтік нысандарды аралады.
Олар білім беру ұйымдарының жылу жүйесі, елді мекенді абаттандыру мақсатында қазылған су ұңғымасы және “Ауыл аманаты” жобасына қатысып отырған кәсіпкерлердің жұмыстарымен танысты. Сонымен бірге, әлеуметтік нысандарды аралап, мекеменің жұмыстары бойынша тиісті сала басшыларына тапсырмалар берді.