Хромтау аудандық аумақтық сайлау комиссиясының
ХАБАРЛАМАСЫ
2023 жылғы 22 қаңтарда Хромтау ауданының Көктөбе ауылдық округінің әкімін сайлау 1 сайлау округі бойынша өтті.
«Қазақстан Республикасындағы сайлау туралы» Қазақстан Республикасының Конституциялық заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес, учаскелік сайлау комиссиясының Хромтау ауданының Көктөбе ауылдық округінің әкімін сайлау нәтижелері туралы хаттама негізінде Хромтау аудандық аумақтық сайлау комиссиясы сайлау қорытындысын шығарды:
Көктөбе сайлау округі
Көктөбе ауылдық округі әкімінің сайлауы бойынша:
Сайлау округі бойынша сайлаушылар тізіміне 274 азамат енгізілді, олардың 224-і дауыс берді. Дауыс берушілердің қатысуы – 81,76%. Жарамсыз бюллетеньдер саны - 4, «Бәріне қарсымын» деген жолда белгі қойылғаны -0.
Әрбір кандидат үшін берілген дауыстар саны:
Әліп А.Е. – 35; Зингин А.Қ. – 143; Раева А.Б. – 42.
Зингин Арыстанғали Қасымұлы, 1981 жылы дүниеге келген, Көктөбе ауылдық округінің әкімі, Көктөбе ауылдық округінің Майтөбе ауылының тұрғыны «AMANAT» партиясы ұсынған Көктөбе ауылдық округінің әкімі болып сайланды.
Хромтау аудандық аумақтық сайлау комиссиясы «Қазақстан Республикасындағы сайлау туралы» Қазақстан Республикасының Конституциялық заңының 45-бабына сәйкес 2023 жылғы 23 қаңтардағы №28 шешімімен 2023 жылғы 22 қаңтарда сайланған Хромтау ауданы Көктөбе ауылдық округінің әкімін тіркеді.