Хромтау аудандық аумақтық сайлау комиссиясының
ХАБАРЛАМАСЫ
2022 жылғы 31 шілдеде Хромтау ауданының Тасөткел ауылдық округінің әкімін сайлау 1 сайлау округі бойынша өтті.
«Қазақстан Республикасындағы сайлау туралы» Қазақстан Республикасының Конституциялық заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес, учаскелік сайлау комиссиясының Хромтау ауданының Тасөткел ауылдық округінің әкімін сайлау нәтижелері туралы хаттама негізінде Хромтау аудандық аумақтық сайлау комиссиясы сайлау қорытындысын шығарды:
Тасөткел сайлау округі
Тасөткел ауылдық округі әкімінің сайлауы бойынша:
Сайлау округі бойынша сайлаушылар тізіміне 230 азамат енгізілді, олардың 280-і дауыс берді. Жарамсыз бюллетеньдер саны - 2, «Бәріне қарсымын» деген жолда белгі қойылғаны -0.
Әрбір кандидат үшін берілген дауыстар саны:
Алтаев А.А. – 31; Баймурзин А.К. – 230; Құралбаева Г.С. – 17.
Баймурзин Асылбек Кәдіржанұлы, 1977 жылы дүниеге келген, Тасөткел ауылдық округінің ветеринарлық пунктінің меңгерушісі, Тасөткел ауылдық округінің Тасөткел ауылының тұрғыны, өзін-өзі ұсынған Тасөткел ауылдық округінің әкімі болып сайланды.
Хромтау аудандық аумақтық сайлау комиссиясы «Қазақстан Республикасындағы сайлау туралы» Қазақстан Республикасының Конституциялық заңының 45-бабына сәйкес 2022 жылғы 1 тамыздағы №23 шешімімен 2022 жылғы 31 шілдеде сайланған Хромтау ауданы Тасөткел ауылдық округінің әкімін тіркеді.