Ақтөбе облысы әкімінің өкімімен, Қазақстан Республикасы Мемлекеттік қызмет істері агенттігінің келісімі бойынша Қайрат Қуантайұлы Ақтөбе облысының мемлекеттік сатып алулар басқармасының басшысы лауазымына тағайындалды.
Жаңа басшыны актив отырысында облыс әкімі Асхат Шахаров таныстырды. Өңір басшысы мемлекеттік сатып алу рәсімдерінің ашықтығы мен тиімділігін қамтамасыз ету, бюджет қаражатын ұтымды пайдалану және мемлекеттік сатып алу саласындағы жұмысты жетілдіруге қатысты бірқатар міндет жүктеді.
Қайрат Қуантайұлы 1983 жылы Ақтөбе қаласында дүниеге келген. Жоғары білімді. 2004 жылы С.Бәйішев атындағы Ақтөбе университетін «Халықаралық экономика» мамандығы бойынша, 2018 жылы Қазақ-Орыс халықаралық университетін «Құқықтану» мамандығы бойынша тәмамдаған.
Еңбек жолын 2004 жылы С. Бәйішев атындағы Ақтөбе университетінің экономика және басқару кафедрасының оқытушысы болып бастаған.
Еңбек жолының басым бөлігінде Ақтөбе қаласының кәсіпкерлік, экономика және қаржы, сондай-ақ мемлекеттік сатып алу салаларындағы бөлімдерінде қызмет атқарған.
2021–2023 жылдары Хромтау ауданы әкімінің орынбасары қызметін атқарды. 2023 жылдың желтоқсан айынан бастап Ақтөбе қаласы әкімінің орынбасары болып жұмыс істеп келді.
Ал бұған дейін мемлекеттік сатып алулар басқармасының басшысы қызметін атқарған Амангүл Жаңбырбайқызы Қаратаева өкілеттік мерзімінің аяқталуына байланысты облыс әкімі аппараты басшысының орынбасары лауазымына тағайындалды.
Ақтөбе облысының әкімі Асхат Шахаров ауыл әкімдері мен мемлекеттік қызметке алғаш тағайындалған басшыларға мотивациялық дәріс оқыды.
Дәстүрлі кездесуге Қазақстан Республикасы Президентінің жанындағы Мемлекеттік басқару академиясының Ақтөбе облысы бойынша филиалының біліктілікті арттыру курстарында оқып жатқан аудандық маңызы бар қалалар, ауылдар, кенттер мен ауылдық округтердің әкімдері, «Б» корпусының мемлекеттік әкімшілік басшы лауазымдарына алғаш тағайындалған басшылар және жергілікті атқарушы органдарының басшылары қатысты.
«Тиімді көшбасшылық және халыққа қызмет ету: қазіргі басшының жауапкершілігі» тақырыбындағы кездесуде өңір басшысы мемлекеттік қызметтегі басшының рөлі, халықпен жұмыс, команда қалыптастыру, бастамашылдық, күрделі жағдайда шешім қабылдау және нақты нәтижеге қол жеткізу мәселелеріне тоқталды.
Асхат Шахаров мемлекеттік қызметтегі басшының жұмысы тапсырмаларды орындаумен ғана шектелмейтінін атап өтті. Оның негізгі өлшемі – тұрғындардың өміріндегі нақты өзгеріс. Сондықтан әкім халықпен тұрақты байланыста болып, азаматтардың мәселесін тыңдап қана қоймай, оның шешімін соңына дейін жеткізуі керек.
«Адамдарды тыңдау, проблемаларын түсіну және олардың қажеттіліктеріне назар аудару маңызды. Халыққа нәтиже керек», – деді облыс әкімі.
Бұл ретте ауыл әкімдерінің жауапкершілігіне ерекше мән берілді. Елді мекеннің дамуы, тұрғындардың өмір сапасы және жергілікті мәселелердің шешілуі әкімнің бастамашылдығына, ұйымдастырушылық қабілетіне және қабылдаған шешімдері үшін жауапкершілігіне тікелей байланысты.
Әкім басшыларды мәселелерді кейінге қалдырмай, алдын ала бағамдауға, дер кезінде шешім қабылдауға және нақты нәтижеге жұмыс істеуге шақырды. Тиімді басқарудың тағы бір маңызды шарты ретінде кәсіби мамандар қалыптастыру мәселесі айтылды. Басшы міндеттерді дұрыс бөліп, қызметкерлердің әлеуетін ашып, ортақ мақсатқа жұмылдыра білуі қажет.
Кездесуде Президент айқындап берген негізгі басымдықтар да сөз болды. Олар – мемлекеттілік және ұлттық бірлікті нығайту, Конституциялық құндылықтар мен қағидаттарды қорғау әрі ілгерілету, қоғамдық-саяси тұрақтылықты қамтамасыз ету.
Бұл бағыттағы жұмыс «Заң мен Тәртіп», «Халық үніне құлақ асатын мемлекет», «Әртүрлі көзқарас – біртұтас ұлт», «Күшті Президент – Ықпалды Құрылтай – Есеп беретін Үкімет», «Адал азамат» және «Таза Қазақстан» қағидаттарына негізделеді. Аталған ұстанымдарды жергілікті деңгейде іске асыруда әкімдердің, мемлекеттік қызметшілердің рөлі зор.
Мотивациялық дәріс соңында қатысушылар облыс әкімінен өз салалары бойынша толғандырған сұрақтарын қойып, ауылдарының дамуына қатысты жоспарларымен бөлісті.
Қарттар күніне орай облыс әкімі Асхат Шахаров еңбек ардагерлерінің шаңырағына сәлем бере барып, мерекемен құттықтап, ізгі ниетін білдірді.
Белгілі журналист, өлкетанушы әрі зерттеуші Идош Асқар Мұсақұлұлы Ойыл ауданының Ш.Берсиев ауылында дүниеге келген. ҚазМУ-ды тәмамдаған. «Алға», «Ойыл» аудандық газеттерінде, Ақтөбе облыстық телеарнасында, Ойыл аудандық партия комитетінде қызмет атқарған. «Ақтөбе» облыстық газетінде тілші қызметінен бастап, редакторлыққа дейінгі жолды жүріп өтті.
Ол – «Ақтөбе» энциклопедиясын жарыққа шығаруға атсалысқан азаматтардың бірі. Мақалалары туған өлкенің тарихы мен тыныс-тіршілігі, табиғатты қорғау, ауыл шаруашылығы, адамгершілік пен рухани құндылықтар мәселелеріне арналған. Әсіресе, аты аңызға айналған тары өсіруші Шығанақ Берсиевтің өмірі мен еңбек жолын зерттеуге айырықша мән берген.
Кездесуде Асхат Шахаров ардагердің естеліктерін қызығушылықпен тыңдап, оның журналистикадағы көпжылғы еңбегі, Ақтөбе облысының тарихы және өңірдің дамуына елеулі үлес қосқан азаматтар туралы әңгімелесті.
«Идош Мұсақұлұлы, Сіз ғұмырыңызды сөз өнері мен журналистикаға, туған өлкенің дамуына арнадыңыз. Сіздің көпжылғы еңбегіңіз – облысымыздың тарихының ажырамас бөлігі. Сіз секілді азаматтардың арқасында көрнекті жерлестеріміздің өнегелі өмірі, ауылдарымыздың тарихы мен халқымыздың салт-дәстүрі сақталып келеді. Сізге зор денсаулық, жан тыныштығын, бақ-береке және ұзақ ғұмыр тілеймін. Әрдайым жаныңыздан туған-туыстарыңыз бен жақындарыңыз табылып, мол өмірлік және кәсіби тәжірибеңіз жас ұрпаққа үлгі бола берсін», – деді облыс әкімі.
Сондай-ақ аймақ басшысы 91 жастағы Надежда Николаевна Соколованы да құттықтады.
Әжей «Әуежөндеу» АҚ зауытында қырық жылдан астам уақыт өндірістік бақылау маманы болып еңбек етті, зейнет демалысына шыққан. Еңбек майданының қатысушысы.
«Надежда Николаевна, бүгін біз Сізге жай ғана мерекемен құттықтайық деп емес, ең алдымен ерен еңбегіңіз бен еліміздің дамуына қосқан үлесіңіз үшін шынайы алғысымызды білдіру үшін келдік. Сіз және Сіздің замандастарыңыз күрделі кезеңдерді бастан өткеріп, ерен еңбектеріңізбен Жеңісті жақындаттыңыздар, сондай-ақ туған өлкенің өркендеуіне өлшеусіз үлес қостыңыздар. Сізге шын жүректен зор денсаулық, ұзақ ғұмыр және бақ-береке тілеймін!» – деді Асхат Шахаров.
Кездесулерде аймақ басшысы аға буынға қамқорлық жасау өңірдің әлеуметтік саясатының маңызды бағыттарының бірі екенін атап өтті.
«Мемлекет басшысы Қасым-Жомарт Кемелұлы қоғамда «Заң және тәртіп» қағидатын орнықтыруға, «Адал азамат» құндылығын қалыптастыруға ерекше мән беріп келеді. Бұл құндылықтарды дәріптеуде аға буынның орны айырықша. Себебі үлкенді құрметтеу, еңбекке адал болу, елге қызмет ету, кейінгі ұрпаққа өнеге көрсету – халқымыздың дәстүрлі құндылықтарымен сабақтасып жатқан ұстанымдар. Біздің ардагерлеріміз бен аға буын өкілдері – тарих, даналық пен рухани құндылықтарымыздың сақтаушылары. Сондықтан олардың еңбегін әрдайым есте сақтап, өмір жолын құрметтеп, қамқорлық көрсету – біздің парызымыз. Біз жасай алатын ең маңызды дүние – оларға риясыз алғысымызды білдіру, құрметімізді көрсету және барында бағалай білу», – деді Асхат Шахаров.
Департаментом уголовно-исполнительной системы по Актюбинской области организован «День открытых дверей» для представителей предпринимательского сообщества на базе учреждения №8. Основное внимание в рамках мероприятия было уделено вопросам создания новых производств и дополнительных рабочих мест для осуждённых.
Ақтөбе облысы бойынша Қылмыстық-атқару жүйесі департаменті №8 мекеме базасында кәсіпкерлік қоғамдастық өкілдеріне арналған «Ашық есік күнін» ұйымдастырды. Іс-шара барысында жаңа өндірістер ашу және сотталғандарға қосымша жұмыс орындарын құру мәселелеріне ерекше назар аударылды.
Қазіргі таңда мекемеде 22 шағын және орта бизнес субъектісі жұмыс істейді. Олар былғары бұйымдарын, брусчатка, жылу қаптамаларын, резеңке бұйымдарын, балық өнімдерін өндіру, сондай-ақ ателье қызметі сияқты түрлі бағыттарда жұмыс жүргізуде. 2025 жылдың сәйкес кезеңімен салыстырғанда өндіріс орындарының саны 10-ға артқан.
Кәсіпкерлер мекеменің өндірістік аймағымен, қолданыстағы инфрақұрылымымен, сондай-ақ өндірістік нысандарды орналастыруға болатын жаңа ангарлық және модульдік ғимараттармен танысты. Өндірістік базаны дамыту аясында жаңа өндірістік цех пен саңырауқұлақ өсіруге арналған жылыжай да іске қосылды. Қатысушыларға өндірістерді орналастыру шарттары, мекемемен өзара іс-қимыл жасау мүмкіндіктері және жаңа жобаларды жүзеге асыру перспективалары таныстырылды.
Кездесу барысында сотталғандарды еңбекпен қамту мәселесіне де ерекше көңіл бөлінді. Ресми жұмыс сотталғандарға кәсіби дағдылар мен еңбек тәжірибесін меңгеруге, жауапкершілік пен тәртіпті қалыптастыруға мүмкіндік береді. Бұл өз кезегінде олардың босатылғаннан кейін жұмысқа орналасуы мен қоғамға бейімделуіне негіз бола алады.
Шағын және орта бизнес субъектілерін тарту бойынша жұмыс жалғасын табады. Негізгі мақсат — мекеменің өндірістік мүмкіндіктерін кеңейту, қосымша жұмыс орындарын құру және сотталғандардың еңбекпен қамтылу деңгейін арттыру.
Өткізілген «Ашық есік күні» ҚАЖ өкілдері мен бизнес субъектілері арасында сындарлы диалог орнатуға, сондай-ақ одан әрі ынтымақтастық перспективаларын талқылауға мүмкіндік берді.
Ақтөбеде менталды бұзушылықтары бар мүгедектігі бар балаларға арналған «Қамқорлық» арнаулы әлеуметтік қызметтер көрсету орталығы 100 балаға арнайы қолдау көрсетіп отыр.
Орталық 2024 жылы ашылған. 1,5 жастан 18 жасқа дейінгі балаларға жартылай стационарлық жағдайда қызмет көрсетіледі. Қазір орталыққа 100 бала екі ауысым бойынша қабылданады.
Мұнда әр балаға жеке тәсіл қарастырылған. Балалардың қабілеттерін дамыту және әлеуметтік ортаға бейімдеу мақсатында емдік дене шынықтыру, робототерапия, АВА-терапия, арт-терапия, сенсорлық интеграция және музыкалық терапия сабақтары өткізіледі.
Орталықта балалардың шығармашылық және еңбек дағдыларын дамытуға арналған тігін, қыш және ағаш ұстасы шеберханалары бар. Сондай-ақ проекциялық және сенсорлық кабинеттер жұмыс істейді.
Кешенді қолдауға невропатолог, психиатр, психолог, реабилитолог, массажист, логопед және дефектолог мамандары қатысады. Мамандар баланың жеке қажеттілігіне қарай тиісті қызмет түрлерін ұсынады.
«Қамқорлық» орталығында әлеуметтік қызметтер сегіз бағыт бойынша көрсетіледі. Олар – әлеуметтік-тұрмыстық, медициналық, психологиялық, педагогикалық, еңбек, мәдени, экономикалық және құқықтық қолдау.
Орталықтың материалдық-техникалық базасы заманауи құрал-жабдықтармен қамтамасыз етілген. Жобаны «Самұрық-Қазына» және «Қазақстан халқына» қорлары толық қаржыландырды.
«Қамқорлық» орталығының жұмысы ерекше балалардың әлеуетін ашу, күнделікті дағдыларын қалыптастыру және қоғамға бейімделуіне бағытталған.
Департамент басшысының орынбасары Р.Мажитов пен қоғам өкілдері және облыс әкімдігінің әдеп жөніндегі уәкілі Р.Омарованың қатысуымен басқарма қызметшілерімен әдеп нормаларын сақтау мәселелері бойынша кездесу өткізілді.
Кездесу барысында мемлекеттік қызметшілерге қызметтік әдеп талаптарын сақтау және қызметтен тыс уақытта да мемлекеттік қызметшінің жоғары міңез-құлық стандарттарын ұстану қажеттілігі түсірінділді.
Соның ішінде:
Сонымен қатар, сыбайлас жемқорлыққа қарсы заңнамадағы өзгерістер түсіндіріліп, сыбайлас жемқорлық тәуекелдерін алдын алу және ішкі талдау жүргізу тәртібінде жаңашылдықтар, мүдделер қақтығысына жол бермеу, заң талаптарын сақтау мәселелеріне назар аударылды.
25 қыркүйек күні сағат 10:00-ден 12:00-ге дейін Keruen Citу ойын-сауық орталығының 3-қабатында Еңбек күніне орай бос жұмыс орындары жәрмеңкесі өтеді.
Іс-шараны Облыстық Еңбек мобильділігі орталығы ұйымдастырады.
Жәрмеңкенің негізгі мақсаты – жұмыс іздеуші және жұмыссыз азаматтарға мемлекеттік қолдау шаралары туралы бір жерден толық ақпарат беру, сондай-ақ өңірдегі жұмыс берушілермен тікелей байланыс орнатып, бос жұмыс орындары бойынша сұхбаттасуға мүмкіндік жасау.
Жәрмеңкеге 20-дан астам кәсіпорындар мен мекемелер қатысып, азаматтарға 180-нен астам бос жұмыс орнын ұсынады.
Іс-шараға қатысатын жұмыс берушілер қатарында, «Ақбөбек» оңалту орталығы, «Сымбат мектеп-интернаты» ЖШС, «Даришева А.У. жеке кәсіпкер, «Тілашар» оқу орталығы, Қылмыстық-атқару жүйесі департаменті, «Happy Home» клинингтік компаниясы, ҚР ІІМ М. Бөкенбаев атындағы Ақтөбе заң институты, «Ramazan Qus» ЖШС және басқа да мекемелер мен ұйымдар бар.
Жәрмеңке барысында мейірбике, көркем еңбек пәнінің мұғалімі (ұл балаларға), терапевт дәрігер, дерматолог, жекеменшік клиника әкімшісі, косметолог, қаржылық қамтамасыз ету тобының бухгалтері, жүргізуші және басқа да жұмысшы мамандықтар бойынша бос жұмыс орындары ұсынылады.
Сонымен қатар, іс-шара барысында азаматтарға жұмыспен қамту және мемлекеттік қолдау шаралары бойынша жеке кеңестер беріледі. Жұмыс іздеушілер мамандардан өздерін қызықтырған мәселелер бойынша қажетті ақпарат ала алады.
Айта кетейік, азаматтар бос жұмыс орындары мен мемлекеттік қолдау шаралары туралы ақпаратты тұрғылықты жері бойынша Мансап орталықтарынан, сондай-ақ Электрондық еңбек биржасы порталы арқылы ала алады.
Қазіргі таңда Ақтөбе облысы бойынша Электрондық еңбек биржасында білім беру, медицина және фармацевтика, көлік және логистика, өндіріс және басқа да салаларды қамтитын 3 мыңнан астам бос жұмыс орны қолжетімді.
Жоба республикалық «Таза Қазақстан» акциясы аясында жүзеге асырылып, Ақтөбе тұрғындары мен қонақтары үшін жаңа демалыс орнын құруды көздейді.
Өңір басшысы Асхат Шахаровқа «Садовое» тұрғын алабы маңында орналасқан экосаябақты абаттандыру жоспары таныстырылды.
Саябақтың аумағы - жалпы көлемі 8 гектар. «Бақыт Құрылыс ЛТД» ЖШС мердігер ұйымы аумақты тазалап, қоқысты шығару жұмыстарын аяқтады. Қазіргі таңда жаяу жүргіншілерге арналған соқпақтар, от жағатын орын және кіреберіс аймағы абаттандырылуда. Жұмыстар 2026 жылдың соңына дейін аяқталады деп жоспарланып отыр.
«Президент экосаябақтар құру және тұрғындарға қолайлы қоғамдық кеңістіктерді қалыптастырудың маңыздылығын үнемі айтып келеді. Осы бағыттағы жұмыстарды жүргізу кезінде аумақты абаттандырып қана қоймай, оның табиғи ландшафтын барынша сақтау қажет. Экопарк тұрғындар үшін табиғат аясында уақыт өткізуге, серуендеуге және отбасымен демалуға қолайлы әрі қауіпсіз орынға айналуы тиіс. Жұмыстар аяқталғаннан кейін бұл аумақ тұрғындар үшін тағы бір тартымды демалыс орны болады деп сенемін», – деді Асхат Шахаров.
Экосаябақ тұжырымдамасы қоршаған табиғатты барынша ұқыпты сақтауды көздейді. Аумақты абаттандыру барысында қолданыстағы ағаштар мен жер бедері сақталады. Асфальт пен тротуарлық плитаның орнына экологиялық таза материалдар – ағаш төсемдер, табиғи тас және өзеннің малтатасы пайдаланылады.
Саябақта барбекю және от жағуға арналған орындар, балалар алаңы, воркаут аймағы, сәкілер, демалыс орындары жоспарланған. Сонымен қатар лаунж-аймақ пен ағаш пен тастан жасалған арт-нысандар қарастырылған.
Ақтөбе облысының әкімі Асхат Шахаров «QazTechPlast» кәсіпорнына барды.
Компания директоры Дәурен Есқалиевтің айтуынша, кәсіпорын сумен жабдықтау, газбен жабдықтау, кәріз жүйелері және техникалық желілерде қолданылатын жоғары тығыздықтағы полиэтилен құбырларын (ПНД) өндіруге маманданған.
Құны 1,25 млрд теңгені құрайтын жоба 2023 жылы іске қосылды. Жобаны жүзеге асыру үшін кәсіпорынға инвестициялық мақсаттарға алынған 500 млн теңге көлеміндегі несиені субсидиялау түрінде мемлекеттік қолдау көрсетілді.
Қазіргі таңда кәсіпорында 47 адам жұмыс істейді. Орташа жалақы мөлшері – 310 мың теңге.
Асхат Шахаров өндірістік процеспен, шығарылатын өнім түрлерімен және қызметкерлердің еңбек жағдайларымен танысты.
Өңір басшысы өңірдің инфрақұрылымдық және құрылыс жобаларында сұранысқа ие жергілікті өндірісті дамыту мен отандық өнім көлемін арттырудың маңыздылығын атап өтіп, мұндай кәсіпорындарды дамыту экономиканың өсуіне мультипликативтік әсер ететінін айтты. Бұл өз кезегінде жұмыспен қамтуды арттыруға, ілеспе салалардың дамуына, өндіріс көлемі мен өңір бюджетіне түсетін салық түсімдерінің ұлғаюына ықпал етеді.
«Жергілікті өндірісті дамыту және сұранысқа ие өнім шығару өңір экономикасы үшін маңызды. «QazTechPlast» секілді кәсіпорындар ішкі нарықты отандық өніммен қамтамасыз етуге, жаңа жұмыс орындарын ашуға және өндірістік құзыреттерді дамытуға мүмкіндік береді.
Бүгінде біз өңірдегі ауылдарды сумен және газбен қамтамасыз ету жұмыстарын жүргізіп жатырмыз. Осы ретте жүзеге асырылып жатқан инфрақұрылымдық жобаларда жергілікті өнімді барынша пайдалануға мән беру қажет. Авторлық қадағалау құжаттарында жергілікті өнімді пайдалану жөніндегі талаптарды қарастыру керек. Осылайша өңірде өндірілетін өнімдердің үлесін арттырып, жергілікті кәсіпорындарға қосымша қолдау көрсете аламыз.
Кәсіпкерлерді қолдауды жалғастырып, өндірістік қуаттарды кеңейту және сұранысқа ие өнім көлемін арттыру маңызды. Бұл жаңа жұмыс орындарын ашып, өңірдің өндірістік әлеуетін нығайтуға мүмкіндік береді», – деді Асхат Шахаров.