ЭНЕРГЕТИКА САЛАСЫ БОЙЫНША

Бүгінгі таңда Ақтөбе облысы бойынша электр қуатын тұтынудың орташа көлемі 1 005 МВт құрайды, оның ішінде, жергілікті энергия көздері есебінен – 664 МВт (66%); сыртқы энергия көздері есебінен – 341 МВт (34%).

Болжамға сәйкес, 2028 жылға қарай облыс бойынша электр энергиясын тұтыну көлемі 1 270 МВт-қа дейін артады деп күтілуде.

2024–2025 ЖЫЛДАРДАҒЫ ЖЫЛЫТУ МАУСЫМЫНЫҢ ӨТУ БАРЫСЫ

2024–2025 жылдардағы жылыту маусымына дайындық іс-шаралары толық көлемде орындалды. Қазіргі таңда барлық нысандар жылу жүйесіне толық қосылған.

Алдағы жылыту маусымына бюджеттік ұйымдар үшін отынның нормативтік қажеттілігі көмір – 20 754 тонна, дизель отыны – 1 246 тоннаны құрады.

Халықтың көмірге деген қажеттілігі 19 187 тоннаны құрап, қазіргі уақытта толық қамтамасыз етілген.
Бүгінгі күні көмір тұйықтарында 88 тонна көмір бар.
Көмірдің бағасы тоннасына 19,5–26,0 мың теңге аралығында.

«Актобе ЖЭО» АҚ
2025 жылы 13 қазандық пен 6 турбоагрегатқа жөндеу жұмыстары толық көлемде, бекітілген кестеге сәйкес жүргізілді.
Инвестициялық бағдарлама шеңберінде 4,8 млрд теңге көлемінде қаражат игерілді.

«Энергосистема» ЖШС
Жөндеу науқаны аясында 695 млн теңгеге 255,8 км электр желілері мен 128 бірлік электр жабдықтары жөндеуден өтті.
Инвестициялық бағдарлама шеңберінде 334,8 км электр желілері жөнделді.

«Aqtobe su-energy group» АҚ
2025 жылы 27 қазандық және 6,2 км жылу желілері жөнделді.
Инвестициялық бағдарлама аясындағы жалпы қаржыландыру көлемі 3,3 млрд теңгені құрады.