Облыс әкімі Асхат Шахаровтың төрағалығымен өткен аппарат мәжілісінде «Отбасының цифрлық картасы» ақпараттық жүйесінің деректерін ескере отырып, халыққа атаулы әлеуметтік қолдау көрсету тетіктерін жетілдіру мәселесі талқыланды.
Алдағы өзгерістерге байланысты өңір басшысы халық арасында ақпараттық-түсіндіру жұмыстарын күшейтіп, қабылданатын шешімдердің ашықтығын қамтамасыз етуді тапсырды.
Жұмыспен қамтуды үйлестіру және әлеуметтік бағдарламалар басқармасының басшысы Ләззат Оразбаеваның айтуынша, Еңбек және халықты әлеуметтік қорғау министрлігі әлеуметтік қолдау көрсетудің жаңа қағидатына көшуді көздеп отыр. Оның негізгі ұстанымы – «Алдымен қажеттілікті анықтау, содан кейін мақсатты көмек».
2027 жылғы 1 қаңтардан бастап республикалық бюджеттен төленетін жекелеген әлеуметтік төлемдер отбасының мұқтаждық деңгейіне қарай тағайындалады. Бұл деңгей «Отбасының цифрлық картасы» ақпараттық жүйесі арқылы анықталады.
«Жүйе отбасылардың әлеуметтік жағдайын 70-тен астам критерий бойынша бағалайды. Олардың қатарында табыс деңгейі, жұмыспен қамтылуы, тұрғын үйінің, жер учаскелері мен көлік құралдарының болуы, кәсіпкерлікпен айналысуы, мал саны және басқа да көрсеткіштер бар. Бағалау нәтижесінде отбасылар әлеуметтік-экономикалық жағдайына қарай бес санатқа бөлінеді. «А» және «В» санатындағы отбасылар негізінен өз жағдайын өз бетінше қамтамасыз етуге қабілетті азаматтар қатарына жатса, «С», «D” және «Е» санатындағы отбасыларға мемлекеттік қолдау толық көлемде сақталады», – деп нақтылады Ләззат Оразбаева.
2027 жылдан бастап «А» және «В» санатындағы отбасыларға әлеуметтік төлемнің 14 түрі берілмейді. Олардың қатарында баланың тууына байланысты жәрдемақы, бала бір жарым жасқа толғанға дейін оның күтіміне берілетін төлем, көпбалалы отбасыларға арналған жәрдемақы, «Алтын алқа» және «Күміс алқа» иегерлеріне берілетін төлемдер, III топтағы мүгедектігі бар азаматтарға арналған жәрдемақылар бар.
Сондай-ақ асыраушысынан айырылған азаматтардың жекелеген санаттарына және I топтағы мүгедектігі бар адамдар мен мүгедектігі бар балаларға күтім жасайтын азаматтарға төленетін жәрдемақылар да өзгеріске ұшырайды. Бұл өзгерістер қазіргі уақытта төлем алып отырған азаматтарға да, алдағы уақытта жәрдемақы тағайындауға өтініш беретіндерге де қатысты болады.
Баяндамашының айтуынша, ақпараттық жүйе банктердің және басқа да мемлекеттік органдардың деректер базаларымен ықпалдастырылып жатыр. Осыған байланысты аталған санаттарға жататын отбасылардың саны өзгеруі мүмкін. Сонымен қатар eGov порталында азаматтарға өз отбасының санатын алдын ала анықтауға мүмкіндік беретін арнайы калькулятор қолжетімді.
Талқылауды қорытындылаған облыс әкімі Асхат Шахаров алдағы өзгерістердің себептері мен тәртібін халыққа түсінікті тілде жеткізудің маңыздылығын атап өтті.
Оның айтуынша, отбасының табыс деңгейіне байланысты төлемдердің тоқтатылуы нақты әрі түсінікті түсіндіру жұмыстарымен қатар жүруі тиіс. Әрбір азамат өз отбасының неліктен белгілі бір санатқа жатқызылғаны туралы нақты әрі негізделген жауап алуы қажет. Бағалау кезінде жүйеде көзделген барлық көрсеткіш, соның ішінде мүлік, табыс және жұмыспен қамтылу деңгейі ескерілуі керек.
Өңір басшысы жауапты басқармалар мен аудан әкімдіктеріне бұқаралық ақпарат құралдары, әлеуметтік желілер және халықпен кездесулер арқылы түсіндіру жұмыстарын күшейтуді тапсырды. Бұл бағыттағы жұмыстар жұмыспен қамту бөлімдерімен бірлесіп жүргізіліп, азаматтармен кері байланыс қамтамасыз етілуі тиіс. Мәселенің әлеуметтік маңыздылығын ескере отырып, берілген тапсырмалардың орындалуы қатаң бақылауға алынды.
Биыл өңірде энергетикалық және коммуналдық инфрақұрылымды жаңғырту ұлттық жобасы аясында жалпы құны 30,2 млрд теңгені құрайтын20 жоба іске асырылып жатыр. Оның 14-і бойынша мердігерлер анықталып, құрылыс-монтаж жұмыстары басталды.
Қалған жобалар бойынша дайындық шаралары жалғасуда.
Жобалар аясында сумен жабдықтау, кәріз, жылу және электр желілерін жаңғырту көзделген. Негізгі міндет – инженерлік желілердің тозу деңгейін кезең-кезеңімен төмендетіп, олардың сенімділігі мен тұрақты жұмысын қамтамасыз ету.
Ақтөбе облысының энергетика және тұрғын үй-коммуналдық шаруашылығы басқармасының басшысы Арысұлан Айтбаевтың айтуынша, инфрақұрылымды жаңарту жұмыстары алдағы жылы да жалғасады.
«Инженерлік желілерді жаңғырту – тұрғындарды сапалы әрі үздіксіз коммуналдық қызметпен қамтамасыз етудің негізгі шарттарының бірі. Биыл 20 жобаны іске асыру жоспарланса, келесі жылға жалпы құны 30,4 млрд теңгені құрайтын тағы 14 жоба қалыптастырылды. Қазірдің өзінде оларды жүзеге асыруға қажетті дайындық жұмыстары жүргізілуде», – деді Арысұлан Айтбаев.
Келесі жылға жоспарланған жобаларды алдын ала пысықтау инфрақұрылымды жаңғырту жұмыстарын үздіксіз жалғастыруға мүмкіндік береді. Бұл ретте инженерлік желілердің жай-күйін жақсарту, олардың сенімділігін арттыру және коммуналдық қызметтердің тұрақтылығын қамтамасыз ету негізгі басымдық болып қала береді.
Кешен қаланың қалыптасып келе жатқан «Алтын Орда» әлеуметтік-іскерлік орталығында салынып жатыр.
Жаңа арена ірі жарыстар, жаттығулар мен бұқаралық іс-шараларды өткізуге жол ашады. Құрылыс жұмыстарының барысымен облыс әкімі Асхат Шахаров танысты.
Жоба аясында кәсіби спортшылар мен салауатты өмір салтын ұстанатын тұрғындарға арналған заманауи спорт кеңістігі құрылады. Кешен құрамына 5 мың көрерменге арналған орталық спорт аренасы, 50 метрлік жүзу бассейні, спорттық және көркем гимнастика, баскетбол мен волейбол залдары кіреді. Сондай-ақ жаттығу залы, йога және пилатеспен айналысуға арналған бөлмелер қарастырылған.
Ғимараттың жалпы ауданы 31 мың шаршы метрден асады. Кешен 6,1 гектар аумаққа орналасады. Мұнда түрлі деңгейдегі жарыстар өткізуге және бірнеше спорт түрі бойынша тұрақты жаттығу жүргізуге жағдай жасалады.
«Мемлекет басшысының тапсырмасына сәйкес, елімізде спорт инфрақұрылымын дамыту және дене шынықтыру мен спортпен айналысуға жағдай жасау бағытында жұмыстар жүргізіліп жатыр. Мұндай нысандардың құрылысы тұрғындарды белсенді өмір салтына тарту, кәсіби спортшыларды қолдау және түрлі деңгейдегі жарыстарды өткізуге мүмкіндік береді. Ең бастысы, кешен сапалы салынып, белгіленген мерзімде пайдалануға берілуі керек», - деді Асхат Шахаров.
Қазіргі уақытта құрылыс алаңын қоршау, топырақтың құнарлы қабатын алу және қазаншұңқыр қазу жұмыстары аяқталған. Қазір мамандар геодезиялық жұмыстар жүргізіп, іргетас тақтасын орнатуға қажетті арматураны дайындап жатыр.
Итоги социально-экономического развития Актюбинской области за девять месяцев 2026 года и задачи на предстоящий период рассмотрели на совещании под председательством акима области Асхата Шахарова. Основное внимание уделили сохранению положительной динамики в ключевых отраслях экономики, активизации инвестиционной деятельности и выполнению годовых планов.
С докладом выступил руководитель управления экономики и бюджетного планирования Адайбек Есенаманов, представивший основные показатели развития региона.
По итогам января–сентября индекс краткосрочного экономического индикатора области составил 101,8%. Положительная динамика обеспечена по шести из семи основных показателей, включая промышленность, сельское хозяйство, строительство, инвестиции в основной капитал, торговлю и жилищное строительство.
Объем промышленного производства достиг 2,3 трлн тенге, индекс физического объема составил 101,1%. В сельском хозяйстве произведено продукции на 337,1 млрд тенге, показатель достиг 102,8%.
Строительная отрасль продемонстрировала рост на 12,3%. Объем выполненных работ составил 353,3 млрд тенге. Инвестиции в основной капитал достигли 880,3 млрд тенге, увеличившись на 2,7% по сравнению с аналогичным периодом прошлого года.
Товарооборот региона составил 2 трлн тенге, рост — 1,3%. За девять месяцев в области введено в эксплуатацию 633 тыс. квадратных метров жилья, что на 2,9% больше, чем за соответствующий период прошлого года.
В ходе совещания также рассмотрели динамику развития города Актобе и районов области. Участники обсудили ход реализации инвестиционных проектов, развитие производственных мощностей, строительство и инфраструктуру, а также возможности дальнейшего повышения экономической активности на местах.
Отдельное внимание уделили повышению инвестиционной привлекательности региона. Акимам города и районов совместно с профильными управлениями предстоит активизировать взаимодействие с предприятиями и инвесторами, обеспечить сопровождение перспективных проектов и своевременное решение возникающих вопросов.
Важным направлением остается развитие промышленности, сельского хозяйства, предпринимательства и строительной отрасли, а также создание новых рабочих мест. Последовательная работа по этим направлениям позволит укрепить экономический потенциал области и обеспечить выполнение запланированных показателей по итогам года.
Подводя итоги совещания, Асхат Шахаров подчеркнул необходимость дальнейшей координации работы государственных органов и усиления контроля за достижением целевых показателей.
«По итогам девяти месяцев в области сохраняется положительная динамика по основным направлениям экономики. Наша задача — закрепить достигнутые результаты и обеспечить выполнение годовых планов.
Для этого необходимо усилить взаимодействие профильных управлений с акимами районов и города, активнее работать с предприятиями и инвесторами, своевременно решать вопросы, возникающие при реализации проектов. Особое внимание следует уделить привлечению инвестиций, развитию производства, поддержке предпринимательства и созданию новых рабочих мест.
Каждый руководитель должен обеспечить системную работу по своему направлению, ориентироваться на конкретные результаты и держать на постоянном контроле выполнение поставленных задач. До конца года необходимо максимально использовать имеющиеся возможности для дальнейшего развития экономики области», — отметил глава региона.
По итогам совещания ответственным руководителям поручено продолжить работу по ключевым направлениям социально-экономического развития, усилить взаимодействие с бизнесом и обеспечить достижение установленных целевых показателей до конца 2026 года.
Облыс әкімі Асхат Шахаров алдағы қысқы маусымға мал азығын әзірлеу кезеңіне қажетті жемшөп қорын толық қалыптастырып, өңірдің елді мекендерінде жем-шөп тапшылығына жол бермеуді тапсырды.
Ауыл шаруашылығы құрылымдары мен жеке қосалқы шаруашылықтардың қысқы кезеңге дайындығы облыс әкімі төрағалық еткен аппарат мәжілісінде қаралды.
Саланың қазіргі жағдайы, жем-шөп дайындау барысы және шаруашылықтардың қысқы маусымға дайындығы туралы ауыл шаруашылығы басқармасының басшысы Асылхан Әбтиев баяндады.
Бүгінде облыста 5 673 ауыл шаруашылығы құрылымы жұмыс істейді. 2026 жылы мал шаруашылығын субсидиялауға бюджеттен 4,2 млрд теңге қарастырылған. Оның 2,3 млрд теңгесі ауыл шаруашылығы құрылымдарына төленді.
1 қыркүйектегі жағдай бойынша облыста 642,5 мың бас ірі қара, 1 269,4 мың қой мен ешкі, 423,7 мың жылқы және 26,4 мың түйе тіркелген.
2026–2027 жылдардағы қысқы кезеңге шамамен 1,06 млн шартты мал басын қыстату жоспарлануда. Оларды қажетті жем-шөппен қамтамасыз ету үшін 1,972 млн тонна шөп, 7 мың тонна пішендеме, 26,6 мың тонна сүрлем және 225,5 мың тонна құнарлы жем дайындау көзделген. Қазіргі таңда 2,026 млн тонна шөп, 7,3 мың тонна пішендеме және 18,4 мың тонна сүрлем дайындалды.
Жиын қорытындысы бойынша облыс әкімі Асхат Шахаров жемшөп дайындау жоспарларын толық орындап, алдағы қысқы маусымға жеткілікті қор қалыптастыру қажеттігін атап өтті.
Қысқы кезеңде шөп пен жем бағасының негізсіз өсуіне жол бермеу үшін қажетті үйлестіру шараларын қабылдау тапсырмалары берілді.
«Негізгі міндет – қысқы кезеңде мал басын қажетті көлемдегі жем-шөппен қамтамасыз етіп, жеткілікті қор қалыптастыру. Жем-шөп тапшылығы туындау қаупі бар елді мекендерде алдын ала шаралар қабылдау қажет. Қыс мезгілінде жекелеген ауыл тұрғындарының шөп тапшылығына немесе оның бағасының негізсіз өсуіне тап болуына жол бермеу керек. Бұл жұмыста ауылдық округтерде қызмет атқаратын ірі ауыл шаруашылығы құрылымдарының әлеуметтік жауапкершілігі де маңызды. Өндірістік көрсеткіштермен қатар, жергілікті тұрғындарды қолдауға, әсіресе жекелеген отбасылар жемшөп дайындау немесе сатып алуда қиындықтарға тап болған жағдайда, баса назар аудару қажет. Барлық ықтимал проблемалық мәселелерді анықтап, қыс басталғанға дейін шешу керек», – деді Асхат Шахаров.
Қарттар күні - үлкенге құрмет, кішіге ізет көрсететін ерекше мереке.
Осы айтулы күнге орай басқарма ардагерлерінің шаңырағына арнайы барып, ақжарма тілегімізді білдіріп, мерекелерімен құттықтап қайттық.
Жылдар бойы ел игілігі жолында еңбек еткен ардагерлеріміздің еңбегі - кейінгі ұрпаққа үлкен өнеге.
Құрметті ардагерлер, сіздерге мықты денсаулық, ұзақ ғұмыр, отбасы амандығы мен бақ-береке тілейміз! Әр күніңіз қуанышқа, шаңырақтарыңыз шаттыққа толы болсын!
Сіздерге деген құрметіміз әрдайым биік!
Ақтөбе облысы әкімінің өкімімен, Қазақстан Республикасының Мемлекеттік қызмет істері агенттігінің келісімі бойынша Адайбек Шәкірұлы Есенаманов Ақтөбе облысының экономика және бюджеттік жоспарлау басқармасының басшысы лауазымына тағайындалды.
Адайбек Есенаманов 1990 жылы Ақтөбе облысы Мұғалжар ауданында дүниеге келген.
Жоғары білімі бар. 2012 жылы Қ.Жұбанов атындағы Ақтөбе мемлекеттік университетін «Қаржы» мамандығы бойынша тәмамдаған.
2013-2019 жылдары Ақтөбе облысының қаржы басқармасында бас маман және бөлім басшысы лауазымдарында еңбек етті.
2019-2023 жылдары Ақтөбе облысының экономика және бюджеттік жоспарлау басқармасында бөлім басшысы, басқарма басшысының орынбасары қызметтерін атқарды.
2023-2025 жылдары Хромтау ауданы әкімінің орынбасары болды.
2025 жылғы қазан айынан бастап осы уақытқа дейін Ақтөбе облысы әкімі аппараты басшысының орынбасары қызметін атқарып келді.
Жаңа басшының негізгі міндеттерінің қатарында облыстың әлеуметтік-экономикалық даму көрсеткіштерін қамтамасыз ету, бюджеттік жоспарлау және өңірдің экономикалық саясатын іске асыру бағытындағы жұмыстарды үйлестіру бар.
Ақтөбе облыстық мәслихатының XXVII сессиясы бір минуттық үнсіздікпен басталды. Депутаттар мен жиынға қатысушылар Маңғыстау облысында қызметтік міндетін атқару кезінде қаза тапқан әскери қызметшілерді еске алды. Оқу-жаттығу кезінде орын алған қайғылы оқиғаға байланысты Мемлекет басшысы Қасым-Жомарт Тоқаевтың өкімімен 25 қыркүйек Қазақстанда жалпыұлттық аза тұту күні болып жарияланды.
Осыдан кейін депутаттар күн тәртібіндегі мәселелерді қарауға кірісті. Негізгі мәселелердің бірі – облыс әкімі Асхат Шахаровтың өзіне жүктелген функциялар мен міндеттердің орындалуы туралы есебі болды.
Өз сөзінде өңір басшысы облыстың әлеуметтік-экономикалық дамуының негізгі көрсеткіштері, инвестициялық жобаларды іске асыру, тұрғын үй мен инфрақұрылым нысандарын салу, ауыл шаруашылығын, білім беру, денсаулық сақтау, спорт және цифрлық инфрақұрылымды дамытуға тоқталды.
Асхат Шахаровтың айтуынша, биылғы жылдың сегіз айының қорытындысы бойынша облыстағы экономикалық өсімнің физикалық көлем индексі 101,6%. Өнеркәсіп, ауыл шаруашылығы, құрылыс, тұрғын үй құрылысы және сауда салаларында оң динамика байқалады.
Облыс әкімі инвестиция тарту мәселесіне жеке тоқталып, оны өңір экономикасын дамытудың негізгі бағыттарының бірі ретінде атап өтті. Оның сөзінше, сегіз айда облысқа 720 млрд теңгеден астам инвестиция тартылған.
Биыл жалпы құны 155 млрд теңгеден асатын, 600-ге жуық жұмыс орнын құруды көздейтін 10 инвестициялық жобаны іске асыру жоспарланған. Оның ішінде алты жоба пайдалануға берілді, тағы төрт жобаны жыл соңына дейін аяқталмақ.
Қолға алынған жобалардың қатарында әрқайсысының қуаты 50 МВт құрайтын екі жел электр станциясы, металды жөндеу және өңдеу орталығы, сауда ойын-сауық орталығы, құрғақ құрылыс қоспаларын өндіру көлемін кеңейту және газ электр станциясының құрылысы бар. Жыл соңына дейін тағы төрт жоба, оның ішінде әрқайсысының қуаты 100 МВт құрайтын екі жел электр станциясы, дәрілік заттарды сақтау қоймасы және Ақтөбе станциясында рельстерді дәнекерлейтін кәсіпорынды пайдалануға беру күтілуде.
«Біз үшін инвестицияның статистикадағы көрсеткіш болып қана қалмай, жаңа өндірістерге, жұмыс орындарына және өңірдің қосымша экономикалық әлеуетіне айналуы маңызды. Бұл ретте экономиканың одан әрі өсуіне жағдай жасау, инфрақұрылымды дамыту және кәсіпкерлік бастамаларды қолдауға аса көңіл бөлу қажет. Әрбір іске асырылған жоба өңірге нақты нәтиже беруі тиіс – өндіріс көлемін арттырып, жаңа жұмыс орындарын құрып, халық табысының өсуіне ықпал етуі тиіс. Біздің міндетіміз – экономиканың тұрақты дамуын қамтамасыз ету және бизнестің Ақтөбе облысына одан әрі инвестиция салуға мүдделі болатын жағдай қалыптастыру», – деді Асхат Шахаров.
Арнайы және индустриялық аймақтарды дамыту бағытында да жұмыстар жүргізілуде. «Ақтөбе» арнайы экономикалық аймағы және «Хромтау» индустриялық аймағына инфрақұрылым тарту үшін қажетті құжаттар әзірленіп, қаржыландыру мәселесі пысықталуда.
2026 жылы ауыл шаруашылығы саласын қолдауға 16,5 млрд теңге қарастырылған. «Кең дала-2» бағдарламасы аясында 67 шаруашылыққа жалпы сомасы 8 млрд теңгеге несие берілді. Жыл соңына дейін 550 мың тоннадан астам астық жинау күтілуде. Бұл былтырғы көрсеткіштен 16%-ға немесе 87 мың тоннаға жоғары.
2026–2028 жылдары ауыл шаруашылығында жалпы құны 58 млрд теңгеден асатын 10 перспективалы жобаны іске асыру жоспарлануда. Қазірдің өзінде «Ramazan Qus» құс фабрикасын кеңейту және «Qazaq groats» компаниясының булгур бидай жармасын өндіру жобаларына жалпы сомасы 5,8 млрд теңге қаржы бөлінді.
Жол саласында да ауқымды жұмыстар жалғасуда. Биыл жол инфрақұрылымын дамытуға 35 млрд теңгеден астам қаражат қарастырылған. Осы қаржы есебінен 95 жобаны іске асырып, жергілікті маңызы бар 297,3 шақырым жолды жөндеу жоспарланып отыр. Нәтижесінде нормативтік жағдайдағы жолдардың үлесін 85%-ға жеткізу көзделуде.
Республикалық маңызы бар жолдарды, оның ішінде «Ақтөбе – Қарабұтақ – Ұлғайсын», «Ұлғайсын – Сексеуіл» және «Бейнеу – Бозой – Сексеуіл» бағыттарындағы учаскелерді салу жұмыстары жалғасуда. Жобалар аяқталғаннан кейін жолдардың өткізу қабілеті тәулігіне 3 мыңнан 35 мың автокөлікке дейін артады.
Тұрғын үй құрылысы да маңызды бағыт болып қала береді. 2026 жылы 1 млн шаршы метрден астам тұрғын үйді халық игілігіне беру жоспарланған. Сегіз айда 522 мың шаршы метр тұрғын үй пайдалануға берілді.
Әлеуметтік салада білім беру мен денсаулық сақтау мәселелеріне ерекше көңіл бөлінуде. Жыл басынан бері облыста 11 жаңа мектеп пайдалануға берілді. «Келешек мектептері» ұлттық жобасы аясында 11 400 оқушы орнына арналған 14 мектептің құрылысы аяқталды.
Денсаулық сақтау саласында Шалқар, Мұғалжар және Хромтау аудандарының аудандық ауруханаларына қосымша корпустар салынып жатыр. Бұл мақсатқа 5,3 млрд теңге қарастырылған. Ойыл және Байғанин аудандық ауруханаларында, сондай-ақ Ақтөбе қаласындағы №7 қалалық емханада күрделі жөндеу аяқталды.
Облыс орталығында жаңа драма театры бой көтеріп жатыр. Сонымен қатар Кеңес Одағының Батыры Әлия Молдағұловаға арналған болашақ «Әлия» орталығының құжаттары әзірленуде.
Өңірде 15 спорт нысаны салынуда, оның сегізі аяқталды. Ақтөбе қаласында құны 1,6 млрд теңге құрайтын дене шынықтыру-сауықтыру кешені мен 35 мың көрерменге дейін қабылдайтын жаңа стадионның құрылысы жалғасуда.
Интернетке қолжетімділікті арттыруға да аса көңіл бөлінуде. Биыл 12 ауылдық елді мекенді интернетпен қамту жоспарланған. Қазірдің өзінде төрт ауылға интернет желісі қосылды. Ауыл халқының интернетпен қамтылу деңгейін 97,3%-дан 98,8%-ға дейін арттыру көзделіп отыр. 5G желісімен Ақтөбе қаласы және облыстың жеті елді мекені қамтылған.
Облыс орталығында бірқатар жоба инженерлік инфрақұрылымды дамыту және тұрғындардың өмір сүру жағдайын жақсартуға бағытталған. Есет батыр шағын ауданында 845 пәтерге арналған төрт үйдің құрылысы аяқталды. Тағы бір 288 пәтерлі үйді жыл соңына дейін аяқтау жоспарлануда.
Төрт тұрғын алапта су құбыры желілері салынбақ, тағы жеті тұрғын алап бойынша жобалық құжаттама әзірленуде. Нәтижесінде сумен жабдықталған тұрғын алаптардың санын 50-ге жеткізу көзделген.
Қаладағы су ресурстарын арттыру мақсатында бес ірі жоба іске асырылуда. Олардың қатарында «Сарыбұлақ» және «Моисеев» жобалары бар. «Сарыбұлақ» жобасына Арнайы мемлекеттік қордан 5 млрд теңге бөлінді.
Сонымен қатар, өңір басшысының мәлімдеуінше, кәріздік тазарту құрылыстарының құрылысы басталды. Газдандыру бағытында Сазды-3 шағын ауданында жұмыстар жүргізіліп, Жаңа ауыл-3 бойынша жоба әзірленуде. Бұл жобалар іске асырылғаннан кейін қаладағы барлық 54 тұрғын алапқа көгілдір отын тартылады.
«Ауыл аманаты» жобасы аясында облыста жалпы сомасы 2 млрд теңгеге 199 жоба мақұлданып, 243 жұмыс орны құрылды. «Дипломмен – ауылға!» жобасы бойынша 133 маманға 1,3 млрд теңге көлемінде бюджеттік несие беру жоспарланған.
«Атқарылып жатқан барлық жұмыс Мемлекет басшысының тапсырмаларын жүйелі түрде орындау және бүгінде өңір алдында тұрған міндеттерді шешуге бағытталған. Біз үшін жоспарланған көрсеткіштерге қол жеткізу ғана емес, басталған жобаларды облыс тұрғындары күтетін нақты нәтижеге дейін жеткізу маңызды. Мемлекеттік органдар, депутаттық корпустың және халықтың бірлескен жұмысы өңірдің одан әрі дамуына жағдай жасап, алға қарай жүйелі түрде жылжуға мүмкіндік беретініне сенімдімін», – деп атап өтті облыс әкімі.
Енді депутаттардың алдында ұсынылған көрсеткіштерді қарау ғана емес, облысты дамытудың алдағы басым бағыттарын айқындау міндеті тұр. XXVII сессия барысында 2026–2028 жылдарға арналған бюджетке және 2026–2030 жылдарға арналған Ақтөбе облысының даму жоспарына қажетті өзгерістер де енгізілді.
Ақтөбе облысының әкімі Асхат Шахаров Шалқар қаласындағы әлеуметтік нысандар - 150 балаға арналған өнер мектебі мен Шалқар аудандық ауруханасының стационарына жапсарлас салынып жатқан қосымша ғимараттың құрылыс барысын бағамдады.
Шалқар қаласындағы жаңа өнер мектебі «Қазақстан темір жолы» компаниясының қолдауымен бой көтеруде. Жобаның жалпы құны 1,71 млрд теңге. Аумағы 2109 шаршы метр құрайтын нысан 150 балаға шақталған.
Құрылыс жұмыстарын «ATM Holding» ЖШС жүргізіп жатыр. Құрылыс биылғы наурыз айында басталды. Нысанды қараша айында аяқтау жоспарланған. Қазіргі уақытта құрылысшылар ғимаратты әрлеп, жарық тартылып жатыр.
Жаңа өнер мектебі балалардың шығармашылық қабілетін дамыту, музыка, өнер және басқа да шығармашылық бағыттар бойынша қосымша білім алуына мүмкіндік береді.
Шалқар аудандық ауруханасының стационарына жапсарлас салынып жатқан екі қабатты қосымша ғимаратқа қаржы мемлекетке қайтарылған активтер есебінен бөлінді.
Құрылыс жұмыстары мамыр айында басталған. Мердігер – «МСФ «Мұнайқұрылыс» ЖШС. Қазіргі таңда нысанның шатыры жабылған, енді ішкі әрлеу жұмыстары басталмақ. Ғимаратты 2027 жылдың қаңтарында аяқтау жоспарланып отыр.
Жаңа қосымша ғимарат аурухананың инфрақұрылымын кеңейтіп, аудан тұрғындарына медициналық көмек көрсету жағдайын жақсартуға сеп.
Асхат Шахаров құрылыс нысандарындағы жұмыстардың қарқыны мен сапасына назар аударды. Өңір басшысы мердігерлерге құрылыс жұмыстарын белгіленген кестеге сәйкес жүргізіп, нысандарды сапалы әрі белгіленген мерзімде пайдалануға беруді тапсырды.
«Шалқар тұрғындары үшін бұл нысандардың маңызы зор. Жаңа Өнер мектебі балалардың шығармашылықпен айналысуы және қосымша білім алуына мүмкіндік береді. Ал аудандық аурухананың стационарын кеңейту халыққа медициналық көмек көрсету жағдайларын жақсартуға бағытталған.
Құрылыс барысында сапа талаптары мен белгіленген мерзімдер қатаң сақталуы тиіс. Бюджет қаражатының тиімді әрі мақсатты жұмсалуына ерекше назар аудару қажет. Нысандар пайдалануға берілген кезде барлық талапқа сай, толық дайын болуы керек», – деді облыс әкімі.