«Ақтөбе облысы әкімдігінің 2016 жылғы 12 желтоқсандағы № 513 «Азаматтық қызметшілер болып табылатын және ауылдық жерде жұмыс істейтін денсаулық сақтау, әлеуметтік қамсыздандыру, білім беру, мәдениет, спорт, ветеринария және орман шаруашылығы саласындағы мамандар лауазымдарының тізбесін айқындау туралы» қаулысына өзгерістер енгізу туралы» қаулы жобасына түсіндірме жазба

«Ақтөбе облысы әкімдігінің 2016 жылғы 12 желтоқсандағы № 513 «Азаматтық қызметшілер болып табылатын және ауылдық жерде жұмыс істейтін денсаулық сақтау, әлеуметтік қамсыздандыру, білім беру, мәдениет, спорт, ветеринария және орман шаруашылығы саласындағы мамандар лауазымдарының тізбесін айқындау туралы»

қаулысына өзгерістер енгізу туралы» қаулы жобасына

түсіндірме жазба

 

 

1. Әзірлеуші мемлекеттік органның атауы.

«Ақтөбе облысының экономика және бюджеттік жоспарлау басқармасы» ММ.

2. Тиісті құқықтық актілерге, Қазақстан Республикасы ратификациялаған халықаралық шарттардың нормаларына, Қазақстан Республикасы қатысушысы болып табылатын халықаралық ұйымдардың шешімдеріне, Президенттің, Президент Әкімшілігі, Үкімет және Үкімет Аппараты басшылығының хаттамалық және өзге де тапсырмаларына сілтеме жасай отырып, жобаны қабылдау үшін негіздемелер және/немесе оны қабылдау қажеттігінің басқа да негіздемелері.

2023 жылғы 1 шілдеден бастап Қазақстан Республикасының Әлеуметтік кодексінің қолданысқа еңгізілуіне байланысты,  Қазақстан Республикасы Еңбек кодексінің 139-бабының 9-тармағына сәйкес                          (азаматтық қызметші болып табылатын және ауылдық елдi мекендерде жұмыс iстейтiн денсаулық сақтау, әлеуметтiк қамсыздандыру, бiлiм беру, мәдениет, спорт, ветеринария, орман шаруашылығы және ерекше қорғалатын табиғи аумақтар саласындағы мамандарға, егер Қазақстан Республикасының заңдарында өзгеше белгіленбесе,  жергiлiктi өкiлдi органдардың шешiмi бойынша бюджет қаражаты есебінен  қызметтiң осы түрлерiмен қалалық жағдайда айналысатын азаматтық қызметшілердің лаузымдық айлықақылармен және  мөлшерлемелерімен салыстырғанда кемiнде жиырма бес пайызға жоғарылатылған айлықақылар мен тарифтiк мөлшерлемелер белгiленедi )  және Ақтөбе облысы әкімдігінің 15.06.2023жылғы «Ақтөбе облысы бойынша Еңбек мобильді орталығы» коммуналдық мемлекеттік мекемесін құру  туралы»  № 160 қаулысын  негізге ала отырып.

         Жоғарыда айтылғандардың негізінде және  «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы № 148 ҚР  Заңының 27-бабының 1- 13-тармақшасына сүйене  отырып, Ақтөбе облысы әкімдігігің 2016 жылғы 12 желтоқсандағы № 513 «Азаматтық қызметшілер болып табылатын және ауылдық жерде жұмыс істейтін денсаулық сақтау, әлеуметтік қамтамасыздандыру, біліми беру, мәдениет, спорт ветеринария және орман шаруашылығы саласындағы мамандар лауазымдарының тізбесін айқындау туралы»  қаулысына өзгеріс енгізу қажет.

3. Жоба бойынша қаржы шығындарының қажеттігі және оның қаржылық қамтамасыз етілуі, оның ішінде қаржыландыру көзі, сондай-ақ қажет болған жағдайда Республикалық бюджет комиссиясының шешімі (тиісті есеп-қисаптар, қаржыландыру көзіне сілтеме, Республикалық бюджет комиссиясы шешімінің көшірмесі міндетті түрде түсіндірме жазбаға қоса беріледі).

Аталған қаулы жобасы қабылданған жағдайда, ауылдық жерде жұмыс жасайтын 123 бірлік аудандық  мансап орталықтарының қызметкерлеріне 25% үстемақы төлеуге 1 жылға 48,3 млн.теңге қажет етіледі және қаражат облыстық бюджеттен қаржыландырылатын болады.

4. Жоба қабылданған жағдайда болжанатын әлеуметтік-экономикалық, құқықтық және (немесе) өзге салдар, сондай-ақ жоба ережелерінің ұлттық қауіпсіздікті қамтамасыз етуге ықпалы.

Жоба қабылданған жағдайда аудандық  мансап орталықтарының қызметкерлерінің  әлеуметтік әл-ауқатын жақсартуға ықпал етеді.

5. Нақты мақсаттар мен күтілетін нәтижелердің мерзімдері.

Жыл сайын аудандық  мансап орталықтарының қызметкерлерінің жалақысына 25% үстемақы төлеу жоспарлануда.

6. Жобада қаралатын мәселелер бойынша Президенттің және/немесе Үкіметтің бұрын қабылданған актілері және олардың іске асырылу нәтижелері туралы мәліметтер.

Жобада қаралатын мәселелер бойынша Президенттің және/немесе Үкіметтің актілері қабылданбаған.

7. Енгізілетін жоба қабылданған жағдайда заңнаманы оған сәйкес келтіру қажеттігі (басқа нормативтік құқықтық актілерді қабылдау немесе қолданыстағы актілерге өзгерістер және/немесе толықтырулар енгізу талап етілетін-етілмейтінін көрсету) не ондай қажеттіліктің болмауы.

Енгізілетін жоба қабылданған жағдайда заңнаманы оған сәйкес келтіру қажет етілмейді.

8. Нормативтік құқытық актінің жобасын мемлекеттік органның интернет-ресурсында, сондай-ақ ашық нормативтік құқықтық актілердің интернет-порталында орналастыру туралы ақпарат (күні, байт саны).

Мемлекеттік органның https://www.gov.kz/memleket/entities/aktobe-ekonomika?lang=kk сайтында 2024ж. 10 қаңтарда  орналастырылды

9. Әлеуметтік маңызы бар нормативтік құқықтық актінің жобасына түсіндірме жазбаны уәкілетті мемлекеттік органдардың интернет-ресурстарында орналастыру туралы ақпарат.

Мемлекеттік органның https://www.gov.kz/memleket/entities/aktobe-ekonomika?lang=kk сайтында 2024 ж. 10 қаңтарда  орналастырылды.

10. Нормативтік құқықтық акті жобасының Қазақстан Республикасы ратификациялаған халықаралық шарттарға және Қазақстан Республикасы қатысушысы болып табылатын халықаралық ұйымдардың шешімдеріне сәйкестігі.

Қаулы жобасының Қазақстан Республикасы ратификациялаған халықаралық шарттарға және Қазақстан Республикасы қатысушысы болып табылатын халықаралық ұйымдардың шешімдеріне қатысты болып табылмайды.

11. Нормативтік құқықтық акті жобасының қолданысқа енгізілуіне байланысты жеке кәсіпкерлік субъектілері шығынының азаюын және (немесе) ұлғаюын растайтын есеп-қисаптар нәтижелері.

Қаулы жобасының қолданысқа енгізілуінің жеке кәсіпкерлік субъектілерінің шығындарына қатысы жоқ.

Дата публикации

09 января 2024