Діни әдебиеттерді, діни мақсаттағы заттарды және материалдарды сату, тарату мәселелері бойынша кәсіпкерлер арасында түсіндіру және зерделеу жұмыстары жүргізілді

📌Дін істері басқармасының мамандарымен а.ж. 31 қаңтар күні діни әдебиеттерді, діни мақсаттағы заттарды және материалдарды сату, тарату мәселелері бойынша кәсіпкерлер арасында түсіндіру және зерделеу жұмыстары жүргізілді.

✍Зерделеу шаралары Ақтөбе қаласындағы «Нұрдәулет», «Жилгородок» базары, Ш.Қалдаяқов көшесіндегі «Анвар» супермаркеті, «Нектар», «Asyl» сауда үйлерін қамтыды. Жүргізілген мониторинг барысында аталған орындарда заң бұзу оқиғалары анықталған жоқ.

🔊Айта кетер жәйт, ҚР «Діни қызмет және діни бірлестіктер туралы» Заңының 9 бабы 2 тармағына сәйкес діни әдебиетті, діни мазмұндағы өзге де ақпараттық материалдарды, діни мақсаттағы заттарды тек қана ғибадат үйлерінде (ғимараттарында), діни білім беру ұйымдарында, сондай-ақ облыстардың, республикалық маңызы бар қалалардың және астананың жергілікті атқарушы органдары арнайы белгілеген тұрақты үй-жайларда таратуға жол беріледі.

📌Осыған орай, құрметті қала тұрғындары, Сіздерден қандай да бір діни мазмұндағы әдебиеттердің немесе ақпараттық материалдардың арнайы рұқсатсыз таратылуы немесе сатылуы фактілерін анықтаған жағдайда дереу облыстық дін істері басқармасына хабарлауларыңыз сұралады.

✅Діни әдебиеттер мен діни мақсаттағы заттарды сатып алу үшін арнайы рұқсат етілген мекен жайларды басқарманың ресми сайты мен әлеуметтік парақшаларынан алуларыңызға болады.

📞Байланыс телефоны: 55-23-43