Ұйымдастыру және жоспарлау бөлімі Дін істері басқармасының (әрі қарай-Басқарма) құрылымдық бөлімшесі болып табылады және тікелей Басқарма басшысына бағынады;
Бөлім өз қызметін Қазақстан Республикасы Конституциясының Заңдарына, Қазақстан Республикасы Президенті мен Үкіметінің актілеріне, облыс әкімінің актілеріне, республикалық және жергілікті бюджеттердің қаражаттары есебінен ұсталатын ұйымдардағы бухгалтерлік есеп жөніндегі нұсқаулыққа, «Ақтөбе облысының дін істері басқармасы» мемлекеттік мекемесі туралы Ережеге сәйкес жүргізеді.
Бөлімнің міндеттері:
-Мемлекеттік қызметкерлердің кадрлық есебін Қазақстан Республикасының Еңбек кодексіне, «Қазақстан Республикасының Мемлекеттік қызметі туралы» Қазақстан Республикасының Заңына сәйкес жүргізу;
-Бухгалтерлік есепті жергілікті бюджеттердің қаражаттары есебінен ұсталатын ұйымдардағы бухгалтерлік есеп жөніндегі нұсқаулыққа сәйкес жүргізу;
-Нормативтік құқықтық актілерге сәйкес басқарманың құжаттарын әзірлеу және сараптау;
-Басқармада сыбайлас жемқорлыққа қарсы әрекет етуге бағытталған іс-шаралар жоспарын дайындау және орындалуын жүзеге асыру.