ЖАЛПЫ БІЛІМ БЕРЕТІН ПӘНДЕР БОЙЫНША РЕСПУБЛИКАЛЫҚ ОЛИМПИАДАНЫҢ ТӨРТІНШІ КЕЗЕҢІ БАСТАЛДЫ

  Бүгін жалпы білім беретін пәндер бойынша республикалық олимпиаданың төртінші кезеңі басталды. Облыстық білім басқармасының басшысы Жайық Сұлтан №56 орта мектепке барып, олимпиаданың ұйымдастырылуымен танысты. Сондай-ақ, басқарма басшысы мектеп директорымен кездесіп, білім беру саласына қатысты бірқатар жоспарымен бөлісті.
  Айта кетсек, олимпиада классикалық олимпиадалық тапсырмалар түрінде екі турда қашықтан өткізіледі.
  «1 компьютер – 1 оқушы – 1 камера» қағидаты бойынша өткізілетін олимпиаданың республикалық кезеңіне Ақтөбе облысы бойынша 34 оқушы қатысады. Оның ішінде 2 оқушы аудан оқушылары.
  Конкурстың ашықтығын және академиялық адалдықты сақтау мақсатында YouTube арнасында тікелей эфир жүргізіледі.