Облыста техникалық және кәсіптік білім беру жүйесінде 43 колледж, оның 18-і жеке. 2020-2021 оқу жылындғы контингент құрамы 24423 адам (мемлекеттік тапсырыспен 14419 адам).
2020-2021 оқу жылына мемлекеттік тапсырыс бойынша -4833 адам оқуға қабылданды (2019 ж. - 4416 адам), оның ішінде жергілікті бюджет есебінен - 3748 орын (2019 ж. - 3331), «Еңбек» мемлекеттік бағдарламасы бойынша - 1085 орын (2019 ж. - 1085).
2020 жылы оқу бітіруші түлектер - 5496 адам (1 қазандағы жағдай бойынша) 82,1% жұмыспен қамтылған, оның ішінде 3995 адам мемлекеттік тапсырыс бойынша (2019 жылғы бітірушілер 5836, оның 3821 мемлекеттік тапсырыс бойынша). 2019 жылы 5836 түлектің 88,67% жұмыспен қамтылған ("Зейнетақы төлеу жөнiндегi мемлекеттiк орталық" РМҚК мәліметтері бойынша 81,7%). 2020 жылғы түлектердің жұмысқа орналасуы оқу аяқталғаннан кейін жыл бойына, яғни 2021 жылдың маусымына дейінбақыланады.
Оқыту 92 мамандық пен 145 біліктілік бойынша келесі бағыттар бойынша жүргізіледі: қызмет көрсету және техникалық қызмет көрсету - 17,4%, білім беру - 18,3%, медицина - 12,3%, өнер және мәдениет - 3,5%, құрылыс, коммуналдық қызметтер, машина жасау - 6,9%, энергетика және көлік - 11,3%, өндіріс, монтаж, пайдалану және жөндеу (салалар бойынша) - 11,8%, байланыс, телекоммуникация және ақпараттық технологиялар - 11,1%, экономика және құқық - 2,9%, ауыл шаруашылығы, ветеринария және экология - 4,5%.
Облыстағы ТжКБ жүйесінің кадрлық әлеуеті 2076 оқытушыны құрайды (мемлекеттік колледждерде - 1493, жеке колледждерде - 583). Барлығы жалпы білім беретін пәндер бойынша - 432 адам, жалпы гуманитарлық және әлеуметтік-экономикалық пәндер бойынша 140 адам, жалпы кәсіптік және арнайы пәндер бойынша 885 адам және өндірістік оқыту шеберлері - 214 маман бар. Колледж оқытушыларының сапалық құрамы: жоғары санатты оқытушылар 594 адам. (28,6%), бірінші санат 384 адам. (18,5%), екінші санат 387 адам. (18,7%), санатсыз 684 адам (33%).
«Жас Маман» жобасы аясында ТжКБ ұйымын заманауи материалдық-техникалық базамен жабдықтау жұмыстары жүргізілуде. Жоба аясында 2020, 2021 жылдарда 9 колледжді заманауи құрал-жабдықтармен жабдықталады.
WorldSkills халықаралық стандарттарына сәйкес құзыреттілік орталықтары мен оқу-жаттығу лагерлерін ашу, танымал және басым бағыттар бойынша жоғары білікті кадрларды даярлау жоспарлануда.
Кадрларды даярлауды экономика салалары бойынша жүйелеу мақсатында қаланың колледждерін заманауи білім беру инфрақұрылымына бейімдеу жұмыстары жүргізілуде.
Дуалды оқытуды 21 мемлекеттік, 7 жеке колледжжүзеге асырады. Дуалды оқыту 2268 адамнан тұратын контингентпен 42 мамандық бойынша көлік, медицина, тамақ өнеркәсібі, құрылыс, қызмет көрсету, энергетика және байланыс салалары мамандар даярлайды.
251 кәсіпорынмен 2268 келісімшарт жасалып,келісімшарт негізінде түлектер әрі қарай осы мекемелерге жұмысқа орналасу мүмкіндігімен оқиды. Колледждердің негізгі серіктестері - «Қазақстан темір жолы» Ұлттық компаниясы»АҚ, CНПC «Ақтөбе Мұнай Газ» АҚ, «Энергосистема» ЖШС, «KEGOK» ЖШС, «Ақтөбе металл құрылымдар зауыты» ЖШС, «Ақтөбе ферроқорытпа зауыты» АҚ, «Ақтөбе хром қосындылары зауыты» АҚ, «Көктас Ақтөбе» ЖШС, «Автопарк» ЖШС, «Строидетал» ЖШС, «Донской кен байыту фабрикасы», «ТНК Қазхром» филиалы, «Ақтөбе локомотив жөндеу депосы» филиалы, «Қамқор локомотив» ЖШС, «ДОЦ Балақай» ЖШС, «Глобал спецодежда» ЖШС.
Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» бағдарламасы аясында 17 ТжКБ ұйымында 2 906 адам білім алуда.
Қабылданған студенттердің шамамен 58,3% -ы халықтың әлеуметтік осал топтарының азаматтары.
Кадрларды даярлау келесі бағыттар бойынша жүзеге асырылады: қызмет көрсету және техникалық қызмет көрсету; сауда (маркетинг); құрылыс және инженерлік желілер; өндіру, монтаждау, пайдалану және жөндеу; көлік; ақпараттық технологиялар.
2017 жылдан бастап колледждер түлектерге бір емес, 3-4 біліктілік алуға мүмкіндік беретін модульдік білім беру бағдарламаларына көшті.
20 колледжде 38 кәсіп пен мамандық модульдік бағдарламалар үшін екі деңгейлі оқыту жүйесі бойынша кадрларды даярлауды басталды, яғни 1 деңгейде студенттер 3 жұмысшы біліктілігі, 2 деңгейде - орта арнаулы маманы болып шығады
Екі деңгейлі оқыту қызмет көрсету және техникалық қызмет көрсету, сауда, құрылыс және коммуналдық шаруашылық, өндіріс, монтаж, көлік, электрмен жабдықтау және ақпараттық технологиялар мамандықтары бойынша жүргізіледі.
ТжКБ жүйесі талапкерлерді қабылдаудан бастап студенттер оқуды бітіргенге дейінгі барлық қызметтерді Paragraph.bilim, EduPage, SmartCommunity, Moodle, SmartNation, Platonus, GoogleClassroom, Kanvas, ИС Колледж, АИС «ЭлЖур» атты сандық платформаларға қосылып, жұмыс істеу арқылы автоматтандырылуда.