2023 жылдың 24-28 сәуір аралығында Ақтөбе облысында WorldSkills Aktobe - 2023 аймақтық чемпионаты өтті.
«WorldSkills» жобасы – бұл көптеген елдерде және соның ішінде бізде, Қазақстанда ауқымды мемлекеттік қолдауға ие, бүкіл дүниежүзіне кең таралған, халықаралық қозғалыс!
Чемпионаттың негізгі мақсаты – бұл Еңбек адамының мәртебесін дәріптеу және жұмысшы мамандықтардың беделін арттыру, шеберлік дағдыларын дамыту.
Ақтөбе облысы WorldSkills Kazakhstan жұмысшы мамандықтарының мәртебесін арттыру бойынша халықаралық қозғалысты 2015 жылы бастады, биылғы жылы сегізінші рет чемпионат өткізілді.
Бүгінгі күні Ақтөбе облысында техникалық және кәсіптік білім берудегі негізгі міндеттің бірі – бұл кәсіпорынмен байланыс, себебі оқуға түсе отырып, әрбір студент қай жерден практикадан өтетінін ғана емес және сонымен бірге ол оқуды бітіргеннен кейін қайда жұмысқа баратынын білуі қажет.
Биылғы жылы өңірлік чемпионат 66 құзыреттілік бойынша өткізілді: Веб-дизайн, Электрожөндеу, Аспаздық ісі, Шаштараздық өнер, Дәнекерлеу технологиясы, Киімді модельдеу және дизайн, Мехатроника және Тас қалау, т.б. Жеңімпаздар республикалық чемпионатта Ақтөбе облысының құрамасын таныстыратын болады.
Чемпионатқа 18 бен 22 жас аралығындағы 300-ге жуық жас болашақ кәсіпқой мамандар қатысты. Бұлар – облыстағы колледждердің бітіруші топтарының студенттері.
Байқау Ш.Берсиев атындағы Ақтөбе Жоғары ауылшаруашылық колледж аумағында өтті.
Конкурстың сарапшылары әлеуметтік әріптес кәсіпорындардың жетекші мамандары болып табылды.
Чемпионатқа қатысу техникалық және кәсіптік білім беру жүйесіне жастарды тартуда және оқытудың мотивациясын арттыруда оң нәтижесін беретін таза бәсекелестікті дамытады және сайыстық рухты қалыптастырады.