Көрсетілетін қызметті алушылар бойынша дербестендірілген қаржыландыруды ескере отырып, балаларға арналған қосымша білім беруге (Пилоттық жоба) бірыңғай мемлекеттік тапсырысты (қосымша білім беруге шығармашылық және спорттық, білім беру тапсырыстары) орналастыруды бекіту туралы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 27-бабына, «Білім туралы» Қазақстан Республикасы Заңының 6-бабына, «Көрсетілетін қызметті алушылар бойынша дербестендірілген қаржыландыруды ескере отырып, балаларға арналған қосымша білім беруге бірыңғай мемлекеттік тапсырысты (шығармашылық және спорттық тапсырыстар, қосымша білім беруге білім беру тапсырысы) орналастыру жөніндегі пилоттық жобаның кейбір мәселелері туралы» Қазақстан Республикасы  Оқу-ағарту министрлігінің  2025 жылғы 28 мамырдағы № 125,  Қазақстан Республикасы  Мәдениет және ақпарат министрлігінің 2025 жылғы 30 мамырдағы № 251-НҚ, Қазақстан Республикасы   Туризм және спорт министрлігінің 2025 жылғы  28 мамырдағы №75,  Қазақстан Республикасы Цифрлық даму, инновациялар және аэроғарыш өнеркәсібі министрлігінің 2025 жылғы 28 мамырдағы № 266/НҚ бірлескен бұйрығына сәйкес Ақтөбе облысының әкімдігі ҚАУЛЫ ЕТЕДІ:

  1. Осы қаулыға 1-қосымшаға сәйкес базалық норматив пен түзету коэффициенттерінің көлемі бірыңғай мемлекеттік тапсырыс аясында бекітілсін.
  2.    Осы қаулыға 2-қосымшаға сәйкес бірыңғай мемлекеттік тапсырыстың көлемі бекітілсін.
  3. Осы қаулыға 3-қосымшаға сәйкес сабақтардың (үйірмелердің, секциялардың) белгілі бір түрлері бойынша жабдықтау (жабдық, үй-жай) жөніндегі критерийлер бекітілсін.
  4. Осы қаулыға 4-қосымшаға сәйкес жергілікті бюджет есебінен қаржыландырылатын үйірме-секция түрлері бекітілсін.
  5. Осы қаулыға 5-қосымшаға сәйкес қызметтерді жеткізушілердің тізбесі бекітілсін.
  6. Балаларға қосымша білім беруге арналған мемлекеттік білім беру, шығармашылық және спорттық тапсырыстарды біріктіретін Бірыңғай мемлекеттік тапсырыстың бюджеттік бағдарламаларының әкімшісі ретінде «Ақтөбе облысының білім басқармасы» мемлекеттік мекемесі айқындалсын.
  7. «Ақтөбе облысының білім басқармасы», «Ақтөбе облысының дене шынықтыру және спорт басқармасы», «Ақтөбе облысының мәдениет, архивтер және құжаттама басқармасы» мемлекеттік мекемелері осы қаулыдан туындайтын тиісті шараларды қабылдасын.
  8. «Ақтөбе облысының білім басқармасы» мемлекеттік мекемесі заңнамада белгіленген тәртіппен:

1) осы қаулыны қазақ және орыс тілдерінде Қазақстан Республикасының нормативтік құқықтық актілерінің Эталондық бақылау банкіне ресми жариялау және енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді;

2) осы қаулыны оны ресми жариялағаннан кейін Ақтөбе облысы әкімдігінің интернет-ресурсында орналастыруды қамтамасыз етсін.

  1. Осы қаулының орындалуын бақылау Ақтөбе облысы әкімінің жетекшілік ететін орынбасарына жүктелсін.

         Ақтөбе облысының әкімі                                                       А. Шахаров

Жоба ұсынушы:                                                                                        
«Ақтөбе облысының білім
басқармасы» ММ басшысы                                                              Б.Күзембаева

 

Дата публикации
20 июня 2025