Мамандық таңдау — адамның болашақ кәсіби жолын айқындайтын маңызды қадамдардың бірі. Ақтөбе облысының 9 және 11-сынып түлектері үшін техникалық және кәсіптік білім беру ұйымдарында түрлі мамандықтарды таңдауға мүмкіндік бар.
Бүгінде облыста 40 техникалық және кәсіптік білім беру ұйымы жұмыс істейді. Оның ішінде 24-і мемлекеттік, 16-сы жекеменшік білім беру ұйымдары.
2026–2027 оқу жылына 33 колледж мемлекеттік білім беру тапсырысы бойынша қабылдау жүргізеді. Бұл — мемлекет бөлген орындар шеңберінде сұранысқа ие мамандықтарды тегін білім алуға мүмкіндік береді.
Талапкерлер білім беру, медицина, құрылыс, көлік, өнеркәсіп, ауыл шаруашылығы, ақпараттық технологиялар, мәдениет, қызмет көрсету және басқа да салалар бойынша мамандықтарды таңдай алады.
Төменде Ақтөбе облысының колледждері және 2026–2027 оқу жылына мемлекеттік білім беру тапсырысы бойынша қабылдау жүргізілетін мамандықтар туралы ақпарат ұсынылған.
Басқа мамандықтар мен даярлау бағыттары туралы ақпарат келесі жарияланымдарда ұсынылады.