Байғанин аудандық ауруханасы бойынша ақпарат
Байғанин ауданының 21 501 халқына 48 төсектік «Байғанин аудандық ауруханасы» мемлекеттік коммуналдық кәсіпорын, 7 дәрігерлік амбулатория, 16 медициналық пункттер медициналық көмек көрсетеді. Аудандық ауруханада стационарлық көмек 48 тәуліктік кереуеттер және 55 күндізгі бөлім керуеттерімен қөрсетіледі, сонымен қатар Абай, Жарқамыс, Жарлы, Оймауыт дәрігерлік амбулаторияларында 5 керуеттен күндізгі стационар жұмыс жасайды. Аудандық емхана қуаттылығы 1 ауысымда 285 науқасты қабылдауға есептелген. Аудандық аурухана клиникалық-диагностикалық зертханамен, рентген кабинетімен, УЗИ кабинетімен, физиотерапия бөлімімен қамтылған.
Кадр мәселесі
Аудан бойынша 48 дәрігер, 177 мейірбике еңбек етеді. Әр 10 000 адамға шаққанда дәрігермен қамту 86,2% және мейірбикемен 100% құрап отыр.
Алайда аудан бойынша әлі де болса дәрігерлер жетіспеушілігі орын алып отыр. Сонымен қатар дәрігерлік амбулаторияларға жалпы тәжірибе дәрігерлері қажет.
Демографиялық көрсеткіштер
Байғанин ауданы бойынша 21 473 халықтың 14 жасқа дейінгі балалары 7378, жасөспірімдер саны 1132, 2022 жылы 12 айда 616 (2021 ж. 12 ай 648) сәби дүниеге келіп, туу деңгейі 28,7 (2021 ж 12 ай 30,0) көрсеткішін құрап отыр. 1 жасқа дейін қайтыс болған - 5 бала (2021 ж 12 ай - 8), бұл көрсеткіш әр 1000 сәбиге шаққанда 8,1‰ (2021 ж 12 ай 12,0‰) болып отыр.
Аудан бойынша ағымдағы жылдың 12 айында 103 (2020 ж 12 ай -115 адам қайтыс болып отыр. 1000 тұрғынға шаққандағы көрсеткіш 4,8 (2020 ж 12 ай -5,0).
Есепті кезеңде туберкулезбен 7 (2020 ж 12 ай 8 жағдай) жаңа жағдай тіркеліп, 100 000 тұрғынға шаққандағы жалпы туберкулезбен аурушаңдық 37,5 (37,2) құрап отыр.
Ісік аурулары бойынша диспансерлік есепте жалпы 123 (2021-108) науқас тұрады, 37 (2021-26) жаңа жағдай тіркелді.
Ісік ауруларын және қан айналым жүйесі, қант диабеті, глаукома ауруларын ерте анықтау мақсатын да жүргізілетін скринингтік тексерілулер өз деңгейінде жүргізілуде.
Аудандық ауруханада және 7 дәрігерлік амбулаторияға интернет жүйесіне қосылған. 2018 жылдың наурыз айынан бастап, денсаулық сақтау саласын цифрландыру мақсатында орталық ауруханаға «Дамумед» кешенді медициналық ақпараттық жүйе орнатылды. Қазіргі сәтте орталық аурухана және емхана осы ақпараттық жүйемен жұмыс жасауда.
Дәрігерлік көмек
«Халық денсаулығы» бағдарламасын жүзеге асыруда негізгі медицина қызметкерлерінің алдында тұрған бағыт: профилактикалық қарау, санитарлық ағарту шараларын жүзеге асырумен қатар иммундық егу шараларын толық көлемде жүргізіп отыру.
Есепті мерзім ішінде аудандағы дәрігерлердің қаралуына 111561 науқас тіркеуден өтіп отыр. Бұл көрсеткіш негізінен профилактикалық тексеруді арттыру арқылы болып отыр.
Яғни 2022 жылы ауруына байланысты 48746 адам қаралса, 62815 адам профилактикалық тексеруден өтіп отыр, үй жағдайында - 7618 науқас қаралып отыр.
Профилактикалық медициналық қарап-тексерулерге жататын адамдардың нысаналы топтарын, сондай-ақ осы қарап-тексерулерді өткізудің қағидалары мен кезеңділігін белгілеу туралы 30.10.2020 жылғы №174 бұйрығы бойынша жеке санаттағы ересек адамдарды қатерлі ісіктердің алдын алу мақсатында (сүт безінің, жатыр мойнының қатерлі ісігі) жүрек қан тамырлары ауруларына ересектер арасында тексерулер өтті.
Барлығы 30-70 жастағы әйелдердің жатыр мойнының ісігін тексеру–856 әйел болса, оның тексерілгені – 857, анықталғаны- 27, диспансерлік еспке алынғаны-27.
50-70 жастағы әйелдердің сүт безінің рагын тексеру- 1 017 әйел, тексерілгені – 739, анықталған-54.
50-70 жастағы адамдардың колоректалды рагын тексеру - 1 035, тексерілгені – 1073, анықталған-12.
40-70 жас аралығындағы артериалды гипертензия бойынша –1 729, тексерілгені - 1773, оның 80-і ауру деп табылып, диспансерлік есепке алынғаны-80.
40-70 жас аралығындағы қант диабеті бойынша – 1729, тексерілгені-2123, оның 6 -ы ауру деп табылып, диспансерлік есепке алынғаны - 6.
Глаукома ерте сатысында анықтау тексеруден өткізуге мақсатында жоспарланған тұрғын саны – 1729, оның ішінде тексерілгені –2156 адам. Анықталған науқас -0.
0-17 жастағы балалар және жасөспірімдерді профилактикалық тексеру барысында барлығы 8 385 болса, оның ішінде тексерілгені – 8408, ауру деп табылғаны – 28, диспансерлік есепке алынғаны -28, сауықтырылғаны - 28.
2023 жылдары алдымызға қойған мақсаттар мен жоспарлар