Байғанин ауданы Сартоғай ауылдық округі әкімінің сайлауын тағайындау туралы
«Қазақстан Республикасындағы сайлау туралы» Қазақстан Республикасы Конституциялық заңының 113-1-бабының 1-тармағының 3) тармақшасына сәйкес Байғанин аудандық аумақтық сайлау комиссиясы ҚАУЛЫ ЕТЕДІ:
- Сартоғай ауылдық округі әкімінің сайлауы 2024 жылғы 22 желтоқсанға тағайындалсын.
- Байғанин ауданы Сартоғай ауылдық округі әкіміне кандидаттарды ұсыну мерзімі 2024 жылғы 14 қарашадан басталып, 2024 жылғы 26 қарашада сағат он сегізде аяқталсын.
- Байғанин ауданы Сартоғай ауылдық округі әкіміне кандидаттарды тіркеу мерзімі 2024 жылғы 1 желтоқсанда сағат он сегізде аяқталсын.
- Осы қаулы аудандық «Жем-Сағыз» газетінде жариялансын және аудандық сайлау комиссиясының интернет-ресурсында орналастырылсын.
Төраға Ж. Жанбырбаев
Хатшы Ж. Бакбергенов
Қарауылкелді ауылы
2024 жылғы 13 қараша
№25