Байғанин ауданының №7 бірмандаттық аумақтық сайлау округі бойынша Байғанин аудандық мәслихатының шығып қалған депутатының орнына сайлауы жөнінде сайлау округін құру туралы
«Қазақстан Республикасындағы сайлау туралы» Қазақстан Республикасының Конституциялық заңының 14-бабының 6) тармақшасына, 21-бабының 4-тармағына, 22-бабына сәйкес Байғанин аудандық аумақтық сайлау комиссиясы ҚАУЛЫ ЕТЕДІ:
- №7 бірмандаттық аумақтық сайлау округі бойынша Байғанин аудандық мәслихатының шығып қалған депутатының орнына сайлауы жөнінде сайлау округі құрылсын:
- Көлтабан ауылдық округінің Қораши ауылына қарасты мекендері;
- Ащы ауылдық округіне қарасты Ноғайты елді мекені;
- Қопа ауылдық округінің Қопа ауылына қарасты мекендері.
- Сайлау округі мен олардың шекаралары, учаскелік және аумақтық сайлау комиссиясының орналасқан жері көрсетіле отырып, аудандық сайлау комиссиясының интернет-ресурсында және аудандық «Жем-Сағыз» газетінде жариялансын.
Төраға Ж. Жанбырбаев
Хатшы Ж. Бакбергенов
Қарауылкелді ауылы,
2024 жылғы 11 қазан
№ 21