Байғанин ауданы Ащы, Жарқамыс және Миялы ауылдық округтері әкімдерін сайлауы жөнінде сайлау округтерін құру туралы

«Қазақстан Республикасындағы сайлау туралы» Қазақстан Республикасының Конституциялық заңының 14-бабының 6) тармақшасына, 21-бабының 4-тармағына, 22-бабына сәйкес Байғанин аудандық аумақтық сайлау комиссиясы ҚАУЛЫ ЕТЕДІ:

Ащы, Жарқамыс және Миялы ауылдық округтері әкімдерін сайлауы жөнінде мынадай сайлау округтері құрылсын:

1) Ащы сайлау округі - Ащы ауылдық округінің аумағының шекарасында;

2) Жарқамыс сайлау округі - Жарқамыс ауылдық округінің аумағының шекарасында;

3) Миялы сайлау округі – Миялы ауылдық округінің аумағының шекарасында.

Сайлау округтерінің шекаралары, аудандық және учаскелік сайлау комиссияларының орналасқан жерлері аудандық «Жем-Сағыз» газетінде жариялансын және аудандық сайлау комиссиясының интернет-ресурсында орналастырылсын.

Төраға орынбасары Ж. Жанбырбаев

Хатшы Ж. Бакбергенов

Қарауылкелді ауылы

2024 жылғы 24 сәуір

№ 9

Дата публикации

24 апреля 2024