Байғанин аудандық сайлау комиссиясының ҚАУЛЫСЫ
Байғанин ауданының ауылдық округ әкімдерін сайлау жөнінде сайлау округтерін құру туралы
«Қазақстан Республикасындағы сайлау туралы» Қазақстан Республикасының Конституциялық заңының 14-бабының 6) тармақшасына, 21-бабының 4-тармағына, 22-бабына сәйкес Байғанин аудандық сайлау комиссиясы ҚАУЛЫ ЕТЕДІ:
1. Байғанин ауданының ауылдық округтері әкімдерін сайлау жөнінде мынадай сайлау округтері құрылсын:
1) Көлтабан ауылдық округінің әкімін - Көлтабан ауылдық округінің шекараларында Көлтабан сайлау округі;
2) Қызылбұлақ ауылдық округінің әкімін - Қызылбұлақ сайлау округінің шекараларында Қызылбұлақ сайлау округі;
3) Сартоғай ауылдық округінің әкімін - Сартоғай ауылдық округінің шекараларында Сартоғай сайлау округі.
2. Сайлау округтерінің тізімі олардың шекаралары және аумақтық сайлау комиссиясының орналасқан жері көрсетіле отырып Байғанин аудандық сайлау комиссиясының интернет-бетінде және аудандық «Жем-Сағыз» газетінде жариялансын.