1 қазан – Халықаралық қарттар күніне орай Ащы ауылдық клуб үйінде «Өнегесі мол қарттарым» атты мерекелік концерт ұйымдастырылды.
Шара барысында ауылымыздың ардақты қарттарына құрмет көрсетіліп, жүрекжарды тілектер мен ізгі ниеттер білдірілді. Мерекелік концертте қарттарға арналған әндер шырқалып, көңілді күй сыйланды.
Сонымен қатар, мерекелік шара барысында Меденова Жанат Тулегеновнаға «Күміс алқа» төсбелгісі салтанатты түрде табысталды.
Қарттарымыз – отбасының берекесі, елдің ақылшысы, кейінгі ұрпаққа жол көрсететін өнегелі тұлғалар. Барша қарттарымызға зор денсаулық, ұзақ ғұмыр, отбасылық амандық пен бақ-береке тілейміз!