Ауыл әкімдігі, кітапхана мен клуб үйі қызметкерлері және ауыл өнерпаздары бірлесе отырып, ауылдың сыртқы Халықаралық маңызы бар Ақтөбе-Атырау-Астрахань тас жолында ұлттық құндылықтарымызды дәріптейтін мерекелік көрініс өткізді. Шара барысында қатысушылар қазақтың әсем ұлттық киімдерін киіп, көк Туымызды желбіретіп, ұлттық тағамдар ұсынып, домбыраның сүйемелдеуімен ән шырқап, келген жолаушыларға көтеріңкі көңіл-күй сыйлады.
Жол үстінен өткен түрлі ұлт өкілдері – қарақалпақ, өзбек, татар, болгар, грузин, орыс, түрік елдерінің азаматтары арнайы тоқтап, мерекенің мән-маңызымен танысып, қазақтың ұлттық тағамдарынан дәм татты. Қонақтар өз ризашылықтарын білдіріп, ізгі тілектерін жеткізіп, сый-сияпаттарын да табыстады.
Өз кезегінде Ноғайтылықтар қонақтарға қазақтың ұлттық ою-өрнегі бейнеленген тақияларды сыйға тартып, халқымыздың қонақжайлылығы мен кеңпейілдігін көрсетті.