Ақтөбе облысының азық-түлік қауіпсіздігінің жай-күйі туралы анықтама
Ақтөбе облысы өз өндірісі есебінен халықтың ет өнімдері және дәнді және майлы дақылдарды қайта өңдеу өнімдері, картоп және көкөністердің кейбір түрлері сияқты азық-түлік тауарларының негізгі топтары бойынша қажеттілігін толық қамтамасыз етеді. Азық-түліктің кейбір түрлері бойынша жетіспейтін көлемдер елдің басқа өңірлерінен жеткізіледі және ішінара импортталады.
Азық-түлік қауіпсіздігін қамтамасыз ету үшін ауыл шаруашылығы өнімдерінің түрлері бойынша өндіріс пен тұтыну теңгерімі әзірленді. Облыс халқы өз өндірісі есебінен негізгі азық-түлік өнімдерімен, оның ішінде етпен, сүтпен, жұмыртқамен, нанмен, көкөніспен, картоппен, өсімдік майымен қамтамасыз етіледі.
32 азық-түлік тауарларынан облыс өзін 13 өнім түрімен қамтамасыз етеді (ұн, нан, макарон өнімдері, ІҚМ, құс және қой еті, сүт және сүт өнімдері, жұмыртқа, сары май, өсімдік майы, картоп, көкөністер), ал 9 түрі (жарманың 5 түрі, күріш, қант, тұз, шай) басқа өңірлер есебінен, ішінара импорт есебінен қамтамасыз етіледі.
Облыстың тұрақтандыру қорында 31.12.2021 ж. бар өнімдер:
|
№ |
Тауар |
көлемі, тонна. |
|
1 |
Картоп |
1378,5 |
|
2 |
Сәбіз |
200 |
|
3 |
Пияз |
297,1 |
|
4 |
Қырыққабат |
60 |
|
5 |
Күнбағыс майы |
100 |
|
6 |
1 сұрыпты ұн |
20 |
Облыс тұрғындары үшін тұрақтандыру қорының өнімдерін «Табыс» коммуналдық және 22 шағын базарларында, сондай-ақ әлеуметтік дүкендер мен сауда павильондары арқылы жалпы қалалық бағадан 10-25% төмен бағамен сатып алу мүмкіндігі бар.