Жер учаскелеріне шектеулі мақсатта пайдалану құқығын (қауымдық сервитут) белгілеу туралы

 

АҚТӨБЕ ОБЛЫСЫ

ӘКІМДІГІ

 

  

АКИМАТ

АКТЮБИНСКОЙ ОБЛАСТИ

ҚАУЛЫ

 

 

ПОСТАНОВЛЕНИЕ

 

№                                                                                                                                 2021 жылғы                                                                 

 

Ақтөбе қаласы                                                                                                 город Актобе

 

 

Жер учаскелеріне шектеулі мақсатта пайдалану құқығын

 (қауымдық сервитут) белгілеу туралы

 

        Қазақстан Республикасының 2003 жылғы 20 маусымдағы Жер кодексінің 16, 69-баптарына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 27-бабына, «МұнайТас» Солтүстік-Батыс құбыр компаниясы» жауапкершілігі шектеулі серіктестігінің өтінішінің және облыстық жер комиссиясының 2020 жылғы 22 қазандағы № 8-2 хаттамасының негізінде Ақтөбе облысы әкімдігі ҚАУЛЫ ЕТЕДІ:

  1. «МұнайТас» Солтүстік-Батыс құбыр компаниясы» жауапкершілігі шектеулі серіктестігіне Ақтөбе облысының Темір, Мұғалжар, Байғанин аудандарында жалпы көлемі 17,4906 гектар жер учаскелеріне «Кеңқияқ-Атырау» магистральды мұнай құбырын пайдалану үшін шектеулі мақсатта пайдалану құқығы (қауымдық сервитут) 49 жыл мерзімге меншік иелерінен және жер пайдаланушылардан жер учаскелері алып қойылмай осы қаулының қосымшасына сәйкес белгіленсін.
  2. «Ақтөбе облысының ауыл шаруашылығы басқармасы» мемлекеттік мекемесі заңнамада белгіленген тәртіппен:

1) осы қаулыны Ақтөбе облысының Әділет департаментінде мемлекеттік тіркеуді;

2) осы қаулыны оны ресми жариялағаннан кейін Ақтөбе облысы әкімдігінің интернет-ресурсында орналастыруды қамтамасыз етсін.

  1. Темір, Мұғалжар, Байғанин аудандарының әкімдері осы қаулыны мүдделі тұлғалардың назарына жеткізсін және туындаған өзге де қажетті шараларды қамтамасыз етсін.
  2. Осы қаулының орындалуын бақылау Ақтөбе облысы әкімінің жетекшілік ететін орынбасарына жүктелсін.
  3. Осы қаулы алғашқы ресми жарияланған күннен он күнтізбелік күн өткен соң қолданысқа енгізіледі.

 

 

Ақтөбе облысының әкімі                                                                   О. Оразалин

 

Дата публикации
25 февраля 2021