«Әлия» патриоттық тәрбие беру облыстық орталығы Қобда ауданы, Әлия ауылында  К.Байсейтова, 40А  көшесінде орналасқан.

        «Әлия» патриоттық тәрбие беру облыстық орталығы 2005 жылы Кеңес Одағының Батыры Ә.Молдағұлованың 80 жылдық мерей тойы қарсаңында ашылды.

         «Әлия» патриоттық тәрбие беру облыстық орталығының мақсаты – жастардың өз Отанына деген сүйіспеншілігін арттыру, қазақтың батыр қызы Әлия Молдағұлованың өмірін, ерлік жолдарын насихаттай отыра жастарға патриоттық тәрбие беру.

         «Әлия» патриоттық тәрбие беру облыстық орталығы Ақтөбе қаласынан 70 шақырым жердегі батыр қыздың туған жерінде орналасқан. Орталықта мәдени-спорттық шаралар өткізуге және жастардың демалуына толық жағдай жасалынған. Сонымен қатар соғыс және еңбек ардагерлерімен,  батыр қыз тәрбиеленген, оқыған және ерлік жолдары өткен Мәскеу, Санкт-Петербург, Псков, Орал жеріндегі музейлерімен тығыз байланыста жұмыс жасайды.

1984 жылы батыр туған топырақта болған Д.А.Қонаевпен Н.Ә.Назарбаевтың қол таңбасы мұражайдың басты жәдігері. «Әлия» патриоттық тәрбие беру облыстық орталығы  Ақтөбе – Әлия- Бұлақ- Абат-Байтақ- Қобыланды Туристік маршрутқа қосылып жылма- жыл көптеген қонақтар тамашалайтын орын.

   Еліміздегі тұңғыш стационарлы Планетарий 1967 жылы 3 қаңтарда ашылды. Ақтөбе планетарийі еліміздегі табиғи ғылымдарды таратушы басты орталықтардың бірі. Бүгінде 2 млн. астам адам табиғи ғылымдардың жетістіктерімен сусындады.

     Елбасының өскелең ұрпақты қолдауға бағытталған маңызды тапсырмасын орындау мақсатында 2006 жылдан бастап планетарий жанынан «Үркер» астрономиялық үйірмесі жұмыс жасайды. Үйірме мүшелері халықаралық, республикалық жарыстарда жүлделі орындарды иеленіп келеді.

        Ақтөбе Планетарийі 2008 жылдан құрамында 100-ге жуық Ресей және Еуразиялық Планетарийлерінің ынтымақтастық ассоцияциясының мүшесі. В.Г.Фесенков атындағы Алматы астрофизика институтымен, Ресей, Украина, Белорусияның жетекші планетарийлерімен және Байқоңыр ғарыш айлағымен, мұражайымен; Елбасымыздың Жарлығымен 2007 жылы елімізде ғарыш саласын дамыту мақсатында құрылған «ҚазҒарыш» ұлттық агенттігімен; РФ.Мәскеу қ. Жұлдызды қалашықтағы Ю.Гагарин атындағы ғарышкерлерді даярлау орталығымен; «Бөбек» ұлттық ғылыми-практикалық білім беру және сауықтыру орталығының (ҰҒПББСО) Обсерваториясымен және т.б. орталықтармен де тығыз шығармашылық байланыста.