Ауылдық округ әкімін сайлау жөнінде сайлау округтерін құру туралы

Алға аудандық сайлау комиссиясының ҚАУЛЫСЫ

Алға ауданының Сарықобда ауылдық округ әкімін сайлау жөнінде сайлау округін құру туралы

«Қазақстан Республикасындағы сайлау туралы» Қазақстан Республикасының Конституциялық заңының 14-бабының 6) тармақшасына, 21-бабының 4-тармағына, 22-бабына сәйкес Алға аудандық сайлау комиссиясы ҚАУЛЫ  ЕТЕДІ:

1. Алға   ауданының    Сарықобда    ауылдық    округі   әкімін   сайлау жөнінде сайлау округі құрылсын:

Сарықобда сайлау округі - Сарықобда ауылдық округі аумағының шекараларында.

2. Сайлау округі туралы хабарлама сайлау округінің шекаралары және аумақтық сайлау комиссиясының орналасқан жері көрсетіле отырып Алға аудандық сайлау комиссиясының интернет-бетінде және аудандық «Жұлдыз-Звезда» газетінде жариялансын.

 Алға аудандық сайлау комиссиясының  төрағасы                                                       А.Нұрмағамбетова

  Алға аудандық сайлау комиссиясының  хатшысы                                                      М.Ағниязова

Алға қаласы, 2022 жылғы 15 сәуір, № 13