Аудандық мәслихатының 26.09.2017жылғы «Алға ауданында тұрғын үй көмегін көрсету мөлшерін және тәртібін айқындау туралы» № 116 шешімі бойынша, тұрғын үй көмегі Алға ауданында тұратын аз қамтылған отбасыларына тағайындалады. Өтініштерді қабылдау және мемлекеттік қызмет көрсету нәтижелерін беру Қазақстан Республикасы Индустрия және инфрақұрылымдық даму министрінің міндетін атқарушы 2020 жылғы 16 қазандағы № 539 «Тұрғын үй көмегін тағайындау» мемлекеттік қызмет көрсету жөніндегі Қағидаларды бекіту туралы» бұйрығына сәйкес жүзеге асырылады. Мемлекеттік қызмет алушы мемлекеттік қызметті www.egov.kz «электрондық үкімет» веб-порталы немесе «Азаматтарға арналған үкімет» мемлекеттік корпорация арқылы алуға құқылы. Тұрғын үй көмегі өтініш берген айдан бастап ағымдағы тоқсанға тағайындалады. Тұрғын үй көмегін тағайындауды және төлеуді аудандық жұмыспен қамту және әлеуметтік бағдарламалар бөлімі жүзеге асырады.
2021 жылға тұрғын үй көмегін тағайындау үшін жергілікті бюджеттен 3837,0 мың тг. қаражат бекітілді. 2021 жылдың 1 маусымына құрамында 195 адамы бар 77 отбасына 955,0 мың тг. тұрғын үй көмегі тағайындалып төленді.