Меню
Сумен жабдықтау
Орталықтандырылған сумен қамтамасыз етілген АЕМ саны – 1 (Есет батыр ауылы), қамтылмаған – (Қызыл-Ту ауылы). Барлығы санитарлық нормаларға сәйкес келеді.
2012 жылы Есет батыр ауылында ауылішілік су құбырларын салу жұмыстары жүргізілді.
Халықты сапалы ауыз сумен қамтамасыз ету мақсатында 2022 жылы Қызылту ауылында кешенді блок модуль орнатылды.
Газдандыру
2011 жылы Есет батыр Көкіұлы ауылында газ желісі іске қосылды, қазіргі уақытта 358 үй мен әлеуметтік нысандар газдандырылды. 7 үй газбен қамтылмаған (Есет батыр ауылындағы 1 үй, Темрей қыстағында 6 үй). Қызылту ауылы газ желісімен қамтылмаған.
Ауылдық жолдар
Ауылдық округ аумағында 2009 жылы Алға-Есет батыр Көкиұлы арасындағы орта деңгейдегі аудандық маңызы бар трассаға жөндеу жүргізілді.
2021 жылы Есет батыр ауылының Ш.Уәлиханов көшесіндегі автомобиль жолдарына орташа жөндеу жүргізілді. Мердігер "Н-Тайгер" ЖШС , жобаның құны - 49 млн 567 мың 425 теңге. Аталған мердігерлік мекеме 2021-2022 жылдары Есет батыр ауылының Е. Мусин, А. Молдағұлова көшелерінің автомобиль жолдарына орташа жөндеу жүргізді. Жобаның құны - 171 млн 360 мың 105 теңге.
2025 жылы Есет батыр Көкіұлы ауылының Н.Кортюков және Е.Дмитриенко көшелерінің автомобиль жолдары орташа жөндеуден өтті. Мердігер "DEN-Group Plus" ЖШС. Жобаның құны-315 млн 230 мың. Жобаның техникалық құжаттамасы 2024 жылы мемлекеттік сараптамадан өтті.
Байланыс
Пошта бөлімшесі 1 (бірлік), (стационарлық – 0, жылжымалы-1). Телефон байланысымен қамтылған АЕМ саны-1 (Есет батыр ауылы), ұялы байланыс – 2 (Билайн, Актив).
2018 жылы "СВИМ" ЖШС Есет батыр Көкіұлы ауылын жоғары жылдамдықты интернетке қосты. Қосылған үйлер саны-111, объектілер саны-1 (Мәдениет үйі).
2020 жылдың шілде айында ауыл әкімдігіне, дәрігерлік амбулаторияға, мектеп-бақшаға мемлекеттік тапсырыс негізінде "Транстелеком" АҚ-мен жоғары жылдамдықты оптикалық-талшықты интернет желісі өткізілді.
Электрмен жабдықтау
Бесқоспа ауылдық округінің елді мекендері толығымен электр жүйесімен қамтылды. (КТП, ТП-8). Есет батыр ауылында барлық 8 көше жарықтандырылған. Қызылту ауылының Тәуелсіздік көшесі де 2021 жылы толық жарықтандырылды.
