Ағымдағы жылдың 8 қазанында Ақтөбе қалалық мәслихатының хатшысы С.П. Шынтасова, Ақтөбе қалалық мәслихатының депутаты А. Е. Мұханова, Ақтөбе қалалық қоғамдық кеңесінің төрағасы А. Д. Сақтағанов ТҮКШ, жер бөлімдерінің басшыларымен, экология басқармасының өкілдерімен және жауапты мердігерлермен бірге Ақшат тұрғын алабының тұрғындарымен кездесті. Тұрғындардың жарықтандыру, асфальт, қоқыс, су құбыры және жайылымға арналған жер мәселелері бойынша ұсыныстары мен ескертулері тыңдалды. Тұрғындардың барлық өтініштері мен ұсыныстарын тыңдап, заңнама аясында мәселелерді шешуде тиісті органдарға тапсырма берді.