Страницы

Статья

Әскери қызметтен кейінге қалдыруды қалай алуға болады

Әскери қызметтен кейінге қалдыруды қалай алуға болады

Жыл сайын Қазақстанда әскери қызметке 18 жастан 27 жасқа дейінгі жас жігіттер шақырылады. Алайда, әскери міндет туралы қазақстандық заңға сәйкес азаматтардың бірқатар санаттарына ел армиясында қызмет етуді кейінге қалдыру беріледі немесе берілуі мүмкін.

Мемлекеттік қызмет көрсету Қағидана сәйкес әскерге шақырылушыларға қажетті құжаттарды ұсыну үшін әскери комиссариатқа барудың қажеті жоқ. ЭЦҚ көмегімен мемлекеттік қызметті электрондық түрде алуға болады электрондық лицензиялау порталында elicense.kz.

Қызметті алу үшін порталда авторлану қажет elicense.kz. Қауіпсіздік қойындысында тізімнен қажетті қызметті және мемлекеттік органды таңдаңыз.

Бұдан әрі ұсынылған және қосымша өрістерді толтырып, кейінге қалдыру себебін, сондай-ақ әскери есепте тұрған орнын көрсетіп және құжаттардың электрондық көшірмелерін жүктеп, өтінішке ЭЦҚ көмегімен қол қою қажет.

Мемлекеттік қызмет көрсету үшін көрсетілетін қызметті алушыдан талап етілетін құжаттар мен мәліметтердің тізбесі:

1) басқа адамның көмегіне мұқтаж және толық мемлекеттік қамсыздандыруда болмайтын отбасы мүшелерін күтумен айналысатын, Қазақстан Республикасының аумағында онымен бірге немесе бөлек тұратын жақын туыстары немесе басқа да адамдар болмаған кезде заң бойынша көрсетілген отбасы мүшелерін асырауға міндетті азаматтарға:

ұялы байланыс операторы ұсынған көрсетілетін қызметті алушының абоненттік нөмірі порталдың есепке алу жазбасына тіркелген және қосылған жағдайда көрсетілетін қызметті алушының ЭЦҚ-сымен немесе бірреттік парольмен куәландырылған электрондық құжат нысанында мемлекеттік қызмет көрсетуге өтініш;

отбасы жағдайын тексеру актісінің электрондық көшірмесі (жергілікті әскери басқару органы береді);

әскерге шақырылушының асырауында мынадай отбасы мүшелерінің болуын растайтын құжаттың электрондық көшірмесі:

әкесі, анасы, әйелі, сондай-ақ әскерге шақырылушының ата-анасы болмаған кезде, зейнеткер жасына толған немесе бірінші немесе екінші топтағы мүгедектер болып табылатын атасы мен әжесі;

ата-анасы болмаған кезде бірінші немесе екінші топтағы мүгедектер болып табылатын немесе он сегіз жасқа толмаған аға-інілері, апа-сіңлілері;

2) өзінің асырауында анасыз тәрбиелеп отырған баласы (балалары) бар азаматтарға:

отбасы жағдайын тексеру актісінің электрондық көшірмесі (жергілікті әскери басқару органы береді);

қамқоршысы болып табылатыны туралы жергілікті атқарушы орган қаулысының электрондық көшірмесі (жетім балаларға немесе ата-анасының қамқорлығынсыз қалған балаларға қамқоршы болып танылған азаматтар үшін);

3) ата-анасының қайтыс болуына немесе олардың ата-ана құқығынан айырылуына немесе сот бас бостандығынан айыруға соттауына байланысты кемінде екі жыл тәрбиесінде және асырауында болған адамдар бар азаматтарға:

отбасы жағдайын тексеру актісінің электрондық көшірмесі (жергілікті әскери басқару органы береді);

қамқоршысы болып табылатыны туралы жергілікті атқарушы орган қаулысының электрондық көшірмесі;

4) некеде тұрған және бір және одан да көп баласы бар азаматтарға:

отбасы жағдайын тексеру актісінің электрондық көшірмесі (жергілікті әскери басқару органы береді);

5) оқу кезеңінде білім алып жатқан азаматтарға:

білім беру ұйымынан оқып жатқанын растайтын анықтаманың электрондық көшірмесі;

6) денсаулық жағдайы бойынша, азаматтарға:

әскерге шақырылушының әскери қызметке уақытша жарамсыз деп танылғандығы туралы аудандық (қалалық) медициналық комиссиясының хаттамалары кітабынан үзіндінің электрондық көшірмесі;

7) мектепке дейінгі білім беру ұйымдарында, орта (бастауыш, негізгі орта, жалпы орта), техникалық және кәсіптік, орта білімнен кейінгі білім беру ұйымдарында, мамандандырылған, арнаулы білім беру ұйымдарында, жетім балалар мен ата-анасының қамқорлығынсыз қалған балаларға арналған білім беру ұйымдарында, балаларға қосымша білім беру ұйымдарында, сондай-ақ әдістемелік кабинеттерде кәсіби қызметті жүзеге асыратын педагогтерге:

жұмыс орнын растайтын анықтаманың электрондық көшірмесі;

8) тиісті білімі бар, мамандығы бойынша ауылдық жерлерде тұрақты жұмыс істейтін дәрігерлерге:

жұмыс орнын растайтын анықтаманың электрондық көшірмесі;

9) Қазақстан Республикасы Парламентінің немесе жергілікті өкілді органдардың депутаттарына:

депутаттық қызметін растайтын құжаттың электрондық көшірмесі;

10) өздеріне қатысты анықтау, алдын ала тергеу жүргізіліп жатқан немесе соттар қылмыстық істерін қарап жатқан адамдарға:

оған қатысты анықтау немесе алдын ала тергеу жүргізіліп жатқан әскерге шақырылушы туралы анықтау және алдын ала тергеу органдарынан алынған және оған қатысты сот қылмыстық істерін қарап жатқан әскерге шақырылушы туралы соттардан алынған, сондай-ақ оған қатысты үкімнің заңды күшіне енгені туралы анықтаманың электрондық көшірмесі;

11) азаматтық әуе кемелерінің ұшу экипажының мүшелеріне, тиісті білімі бар азаматтық авиация инженерлеріне, механиктеріне және техниктеріне:

тиісті білімінің бар болуы туралы белгісі бар жұмыс орнын растайтын анықтаманың электрондық көшірмесі;

12) кемелер экипаждарының тиісті білімі бар мүшелеріне:

тиісті білімінің бар болуы туралы белгісі бар жұмыс орнын растайтын анықтаманың электрондық көшірмесі;

13) құқық қорғау органдарының білім беру ұйымдарында бастапқы кәсіби даярлықтан өтіп жатқан адамдарға:

оқып жатқанын растайтын құқық қорғау органдарының білім беру ұйымынан алынған анықтаманың электрондық көшірмесі.

Азаматтарды әскери қызметке шақыруды жүргізу және мемлекеттік қызметті көрсетуге өтінішті қабылдау кезеңі - 1 наурыздан 30 маусымға дейін және 1 қыркүйектен 30 желтоқсанға дейін.

Ақтөбе қаласы әкімінің орынбасары төрағалық етуімен шақыру комиссиясы құжаттар топтамасын тапсырған сәттен бастап 6 жұмыс күн ішінде қоса берілген файлдармен өтінішті қарайды және шақыруды кейінге қалдыру туралы немесе мемлекеттік қызмет көрсетуден дәлелді бас тарту туралы қорытынды шығарады

Дата публикации

02 марта 2023

Дата обновления

02 марта 2023

Тип