Ақтөбе қаласы әкімдігінің қаулы жобасы «Ақтөбе қаласында стационарлық емес сауда объектілерін орналастыру орындарын айқындау және бекіту туралы » Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабына, Қазақстан Республикасының 2004 жылғы 12 сәуірдегі «Сауда қызметін реттеу туралы» Заңының 8, 27-баптарына және «Iшкi сауда қағидаларын бекiту туралы» Қазақстан Республикасы Ұлттық экономика министрiнiң мiндетiн атқарушының 2015 жылғы 27 наурыздағы № 264 бұйрығына сәйкес әзірленді.
Нормативтік құқықтық актісінің жобасы 2021 жылдың 19 мамырында «e–gov» ашық нормативтік-құқықтық актілердің интернет-порталында көпшілік талқылау үшін орналастырылды (https://legalacts.egov.kz/npa/view?id=8835558) және 2021 жылдың 15 мамырында облыстық «Ақтөбе», «Актюбинский вестник» газеттерінде жарияланды.
Ақтөбе қаласы Қоғамдық кеңесінің ұсынымдары 2021 жылдың 31 мамырдағы №01-1/30 хатымен ұсынылды.