Инвестициялық табыс

Зейнетақы жинақтары зейнетақы жарналарынан және инвестициялық кірістен тұрады. Инвестициялық табыс – бұл зейнетақы активтерін инвестициялау нәтижесінде алынған табыс.

Ұлттық Банк БЖЗҚ зейнетақы активтерін сенімгерлікпен басқарушы болып табылады және оларды Инвестициялық декларацияға сәйкес инвестициялайды. Зейнетақы активтерін инвестициялау үшін рұқсат етілген қаржы құралдарының тізбесін Үкімет бекітеді. Зейнетақы активтерін инвестициялаудың негізгі бағыттарын Қазақстан Республикасының Ұлттық қорын басқару жөніндегі кеңес айқындайды.

Инвестициялық басқару нәтижелері және зейнетақы активтері инвестицияланған қаржы құралдары туралы ақпарат БЖЗҚ-ның ресми сайтындағы (www.enpf.kz) «Көрсеткіштер/Инвестициялық қызмет» бөлімінде ай сайын орналастырылады.