2021 жылға арналған мемлекеттік аудит объектілерінің тізбесіне сәйкес 156 объектіде 11 аудиторлық іс-шара өткізілді.
Аудитпен 150 267,0 млн. теңге қамтылды. ҚР заңнамасы нормаларын бұзудың жалпы сомасы 10 525,2 млн. теңгені құрады, оның ішінде қаржылық бұзушылықтар — 1 578,0 млн.теңге (15,0%), тиімсіз пайдаланылған бюджет қаражаты, мемлекет активтері — 1 345,1 млн. теңге (12,8%), тиімсіз жоспарлау — 7 602,1 млн. теңге (72,2%).
1257 процедуралық бұзушылық анықталды.
Қалпына келтіруге (өтеуге) жататын бұзушылықтардың жалпы сомасынан 1 577,9 млн.теңге көлемінде қалпына келтірілді (өтелді) — 905,5 млн. теңге немесе 57,3%. Өтеуге және қалпына келтіруге жататын соманың қалдығы 672,4 млн.теңгені құрады.
Жүргізілген аудиторлық іс — шаралардың қорытындысы бойынша 245 адам жауапқа тартылды, оның ішінде әкімшілік — 138, тәртіптік-107, оларға қатысты 304 хаттама жасалып, 11,7 млн.теңге сомасына әкімшілік айыппұл салынды.
2021 жылы жүргізілген аудиторлық іс-шаралардың қорытындысы бойынша аудит объектілеріне 11 аудиторлық қорытынды, анықталған бұзушылықтарды жою туралы 154 нұсқама жіберілді.