Ақсуат ауданы білім бөлімінің әдістемелік кабинетінің жұмыс жоспарына сәйкес, «Ы. Кабеков атындағы орта мектебі» КММ базасында математика және информатика пәндерінің мұғалімдері арасында аудандық олимпиада ұйымдастырылып, жоғары деңгейде өткізілді.
🎯 Олимпиаданың басты мақсаты – педагогтердің кәсіби шеберлігін арттыру, шығармашылық және зияткерлік әлеуетін дамыту, пәндік білімдерін тереңдету, сондай-ақ дарынды, ізденімпаз ұстаздарды анықтап, олардың озық тәжірибелерін насихаттау.
💡 Білім бәйгесінде аудан мектептерінің математика және информатика пәндерінің мұғалімдері өзара бақ сынасып, теориялық білімдерін, логикалық ойлау қабілеттерін және кәсіби құзыреттіліктерін көрсетті.
📚 Олимпиада қорытындысы бойынша үздік нәтиже көрсеткен төмендегі ұстаздар облыстық кезеңге жолдама алды:
🏅 Математика пәні бойынша:
Ерланова Динара Ерланқызы – «Ю. Гагарин атындағы орта мектебі» КММ мұғалімі.
🏅 Информатика пәні бойынша:
Мұхаметкәрім Қаныш Саятұлы – «Қ. Сәтбаев атындағы Жәнтікей орта мектебі» КММ мұғалімі.
🌟 Бұл жетістік – ұстаздардың үздіксіз ізденісі мен қажырлы еңбегінің, кәсіби біліктілігі мен білімге деген құштарлығының айқын көрінісі.
👏 Барлық жеңімпаздар мен жүлдегерлерді шын жүректен құттықтаймыз!
🚀 Облыстық кезеңге жолдама алған ұстаздарымызға сәттілік тілейміз! Алдағы білім додасында жоғары нәтиже көрсетіп, Ақсуат ауданының абыройын асқақтатып, жеңіс тұғырынан көрінулеріңізге тілектеспіз!
БІЛІМДІ ҰСТАЗ – БІЛІМДІ ҰРПАҚТЫҢ КЕПІЛІ! 🌟