Ақсуат ауданының білім бөлімінің жоспарына сәйкес, 2025 жылғы 19 желтоқсан күні «К. Нұрбаев атындағы Ақсуат орта мектебі» КММ-де кезекті әдістемелік кеңес отырысы өтті.
Кеңес жұмысына аудандық білім бөлімінің әдіскерлері, мектеп директорларының оқу ісі жөніндегі орынбасарлары, бастауыш мектеп меңгерушілері, сондай-ақ мектепке дейінгі ұйымдардың әдіскерлері қатысты.
Кеңесті Ақсуат ауданының білім бөлімінің әдістемелік кабинет меңгерушісі Курмангалиева Нұргүл Ақанқызы жүргізді.
Күн тәртібінде төмендегі мәселелер қаралды:
С. Сейфуллин және Ғ. Мұратбаев атындағы орта мектептерінде №130 бұйрық негізінде мектепішілік бақылаудың жүргізілуі туралы
(Н. Курмангалиева – әдістемелік кабинет меңгерушісі)
Аудан мектептеріндегі білім сапасына 2025–2026 оқу жылы бойынша жүргізілген талдау
(Е. Жағыпаров – бөлім әдіскері)
Аудандағы білім беру ұйымдарында электрондық журнал BilimClass жүйесін пайдалану туралы
(Е. Жанатов – бөлім әдіскері)
«Тоғас батыр атындағы орта мектебі» КММ-де мектепішілік бақылауды ұйымдастыру туралы
(Г. Малгаждарова – мектеп директоры)
«Педагогтерді аттестаттау қағидалары бойынша түсіндіру жұмыстары туралы»
(М. Қажыақберова – бөлім әдіскері)
Кеңес барысында қатысушылар педагогтерді аттестаттау және өзге де өзекті мәселелер бойынша сұрақтар қойып, іс-тәжірибе алмасты.